ദില്ലി: മുംബൈ ഭീകരാക്രമണത്തിന്റെ മുഖ്യ സൂത്രധാരനായ ഹാഫിസ് സയീദിന്റെ മകന്‍ ഹാഫിസ് തല്‍ഹയെ ഭീകരനായി പ്രഖ്യാപിച്ചു.1967 യുഎപിഎ വകുപ്പ് പ്രകാരമാണ് ആഭ്യന്തര മന്ത്രാലയം തല്‍ഹയെ ഭീകരനായി പ്രഖ്യാപിച്ചിരിക്കുന്നത്.
ഇന്ത്യക്കെതിരെ പാകിസ്ഥാനിലും അഫ്‌ഗാനിസ്ഥാനിലും കേന്ദ്രീകരിച്ച്‌ പ്രവര്‍ത്തിക്കുന്നു എന്ന് തെളിഞ്ഞതിന്റെ പശ്ചാത്തലത്തിലാണ് ഭീകരനായി പ്രഖ്യാപിച്ചിരിക്കുന്നത്. ഹാഫിസ് തല്‍ഹ സയീദ് ഭീകര സംഘടനയായ ലഷ്‌കര്‍ ഇ ത്വയ്ബയുടെ മുതിര്‍ന്ന നേതാവാണ്. ലഷ്‌കര്‍ സേനയുടെ റിക്രൂട്ട്‌മെന്റ്, ഫണ്ട് ശേഖരണം, ആസൂത്രണം ചെയ്യല്‍, നടപ്പിലാക്കല്‍ എന്നീ പ്രവര്‍ത്തനങ്ങളിലൊക്കെ പങ്കുള്ളയാളാണ് തല്‍ഹയെന്ന് ആഭ്യന്തര മന്ത്രാലയം പുറത്തിറക്കിയ വിജ്ഞാപനത്തില്‍ വ്യക്തമാക്കുന്നുണ്ട്.
