ദില്ലി:പുല്വാമ ഭീകരാക്രമണത്തില് 40 ജവാന്മാര് കൊല്ലപ്പെട്ട സാഹചര്യത്തില് ഇനി പാകിസ്താനുമായി ചര്ച്ചയ്ക്കില്ലെന്ന് പ്രധാനമന്ത്രി നരേന്ദ്രമോദി. ഇനി നടപടിയെടുക്കേണ്ട സമയമാണെന്നും അദ്ദേഹം പറഞ്ഞു. രണ്ട് ദിവസത്തെ സന്ദര്ശനത്തിനായി ദില്ലിയിലെത്തിയ അര്ജന്റീനന് പ്രസിഡന്റ് മൗറീസ്യോ മക്റിയുമായി നടത്തിയ നയതന്ത്രകൂടിക്കാഴ്ചകള്ക്ക് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
”പുല്വാമ ഭീകരാക്രമണത്തിലൂടെ ഒരു കാര്യം വ്യക്തമാവുന്നു. ചര്ച്ചകളുടെ സമയം അവസാനിച്ചിരിക്കുന്നു. ഇനി നടപടിയെടുക്കേണ്ട സമയമാണ്.” അദ്ദേഹം പറഞ്ഞു.
ലോകരാഷ്ട്രങ്ങള് ഒന്നിച്ച് ഭീകരവാദത്തിനെതിരെ പോരാടേണ്ട സമയമാണിതെന്നും അദ്ദേഹം ഓര്മ്മിപ്പിച്ചു. ഇന്നലെ അര്ധരാത്രിയില് നടന്ന ഭീകരാക്രമണത്തില് കൊല്ലപ്പെട്ട ജവാന്മാര്ക്ക് അദ്ദേഹം ആദരാഞ്ജലികള് അര്പ്പിച്ചു. രാഷ്ട്രത്തിന്റെ രോഷം മനസിലാക്കുന്നു. ആക്രമണത്തിന്റെ ഉത്തരവാദികള്ക്ക് ശക്തമായ തിരിച്ചടി നല്കും. ഭീകരര്ക്ക് എതിരെ നീങ്ങാന് സേനകള്ക്ക് പരിപൂര്ണ്ണ സ്വാതന്ത്ര്യം നല്കിയിട്ടുണ്ടെന്നും അവരുടെ ധൈര്യത്തില് പൂര്ണ്ണ വിശ്വാസമുണ്ടെന്നും പ്രധാനമന്ത്രി കൂട്ടിച്ചേര്ത്തു.