മുംബൈ: ബോളിവുഡ് താര ദമ്പതികളാണ് ദീപിക പദുക്കോണും രൺവീർ സിങ്ങും. ഇവർക്ക് ആരാധകരും ഏറെയാണുള്ളത്. ഇപ്പോൾ രൺവീറിന്റേയും ദീപികയുടേയും ഒരു വീഡിയോയാണ് സോഷ്യൽ മീഡിയയിൽ വൈറലാകുന്നത്. പൊതുവേദിയിൽ രൺവീറിനെ അവഗണിക്കുന്ന ദീപികയെയാണ് വിഡിയോയിൽ കാണുവാൻ സാധിക്കുന്നത്. മുംബൈയിൽ നടന്ന ഇന്ത്യൻ സ്‌പോർട്‌സ് ഓണേഴ്‌സിന്റെ നാലാം പതിപ്പിലെ റെഡ് കാർപ്പറ്റിൽ പങ്കെടുക്കാനെത്തിയപ്പോഴായിരുന്നു ഈ സംഭവം നടക്കുന്നത്.
സ്റ്റൈലിഷ് ലുക്കിലാണ് റെഡ് കാർപെറ്റിൽ ദീപിക പദുകോണും രൺവീർ സിങ്ങും എത്തിയത്. വീഡിയോയിൽ ദീപികയുടെ കൈ പിടിക്കാൻ രൺവീർ ശ്രമിക്കുന്നു. അപ്പോൾ ദീപിക അതവഗണിച്ച് മുന്നോട്ട് പോകുന്നതാണ് കാണുവാൻ സാധിക്കുന്നത്. താര ദമ്പതികൾക്കിടയിൽ എന്തെങ്കിലും പ്രശ്നങ്ങൾ ഉണ്ടോയെന്നാണ് ആരാധകരുടെ സംശയം. തുടർന്ന് ഇതിന്റെ വീഡിയോ സോഷ്യൽ മീഡിയയിൽ വൈറലാവുകയും ചെയ്തു.
