മലയാളികളുടെ എന്നത്തേയും പ്രിയപ്പെട്ട നായികയാണ് സുഹാസിനി. കഴിഞ്ഞ ദിവസം സുഹാസിനിയുടെ അറുപതാം പിറന്നാൾ ആഘോഷമാക്കിയിരിക്കുകയാണ് സുഹൃത്തുക്കൾ. 80കളിൽ മമ്മൂട്ടി, മോഹന്ലാല്, സുരേഷ് ഗോപി തുടങ്ങി മലയാളത്തിലെ പ്രമുഖ നായകന്മാര്ക്കൊപ്പമെല്ലാം അഭിനയിച്ച് ആരാധകരുടെ മനം കവർന്ന നായികയ്ക്ക് നിരവധിപേരാണ് ആശംസകൾ അറിയിച്ചത്.
എന്നാൽ പിറന്നാൾ ദിനത്തിൽ ഖുശ്ബു, സുമലത, ലിസി, പൂർണിമ ഭാഗ്യരാജ്, ശോഭന, പ്രഭു, കമൽഹാസൻ തുടങ്ങിയ താരങ്ങൾ ഒന്നിച്ചെത്തിയതോടെ എൺപതുകളിലെ താരങ്ങളുടെ ഒത്തുചേരൽ കൂടിയായിരിക്കുകയാണ് പിറന്നാൾ വിരുന്ന്. നടിയും സുഹാസിനിയുടെ അടുത്ത കൂട്ടുകാരിയുമായ പൂർണിമ ഭാഗ്യരാജാണ് ചിത്രങ്ങൾ പങ്കുവച്ചിരിക്കുന്നത്.
തന്റെ പിറന്നാളാഘോഷത്തിന്റെ ചിത്രങ്ങളെല്ലാം ഇന്സ്റ്റഗ്രാമിലൂടെ സുഹാസിനി ആരാധകര്ക്കായി പങ്കുവെച്ചിരുന്നു. അച്ഛൻ ചാരുഹാസനൊപ്പമുള്ള ചിത്രം പങ്കുവെച്ചും താരം എത്തി. ‘വികാരനിർഭരമായ ഈ ചിത്രം ഷെയർ ചെയ്യാതെയെങ്ങനെ?’ എന്ന അടിക്കുറിപ്പോടെയാണ് അച്ഛനുമായുള്ള ചിത്രം താരം പോസ്റ്റ് ചെയ്തിരിക്കുന്നത്. ഭർത്താവും സൂപ്പർ ഹിറ്റുകളുടെ സംവിധായകനുമായ മണിരത്നത്തിനൊപ്പം ‘മദ്രാസ് ടാക്കീസ്’ എന്ന നിർമ്മാണക്കമ്പനി നടത്തിവരുകയാണ് സുഹാസിനി. നായികയും, സംവിധായകയുമാണ് താരം. മണിരത്നത്തിന്റെ നിരവധി ചിത്രങ്ങളിൽ എഴുത്തുകാരിയായും സംഭാഷണരചയിതാവായും സുഹാസിനി സഹകരിച്ചിട്ടുണ്ട്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona