കൊല്ലം: എംസി റോഡില് കൊട്ടാരക്കര പൊലിക്കോട്ട് യുവാക്കളുടെ ബൈക്ക് അഭ്യാസത്തിനിടെ അപകടം. അമിതവേഗതയിൽ ഓടിച്ച ബൈക്കില് നിന്നും സെല്ഫി എടുക്കാന് ശ്രമിക്കുന്നതിനിടെയാണ് അപകടമുണ്ടായത്. രാവിലെ 11.30യോടെയായിരുന്നു സംഭവം.
നിയന്ത്രണം വിട്ട ബൈക്ക് എതിര്ദിശയില് യാത്ര ചെയ്തിരുന്ന യുവാവിനെ ഇടിച്ച് തെറിപ്പിക്കുകയും ചെയ്തു. അപകടത്തില് ഗുരുതരമായി പരുക്കേറ്റ അശ്വന്ത് എന്ന എംബിഎ വിദ്യാര്ഥി ആശുപത്രിയിലാണ്. അശ്വന്തിനെ തിരുവനന്തപുരത്തെ സ്വകാര്യ ആശുപത്രിയിലേക്ക് മാറ്റി.
അതേസമയം
നമ്പര് പ്ലേറ്റില്ലാത്ത നാലു ബൈക്കുകളിലാണ് യുവാക്കള് അഭ്യാസ പ്രകടനം നടത്തിയത്. ഈ സംഘം ന്യൂജന് ബൈക്കുകളില് തിരുവനന്തപുരം ഭാഗത്ത് നിന്ന് പത്തനംതിട്ട ഭാഗത്തേക്ക് യാത്ര ചെയ്യുകയായിരുന്നു. ഒരു ബൈക്ക് അപകടത്തില്പ്പെട്ടതോടെ മറ്റ് മൂന്നു പേരും ബൈക്കുമായി മുങ്ങി. സമീപത്ത് ഒളിപ്പിച്ച നിലയില് ഒരു ബൈക്ക് കണ്ടെത്തി. മറ്റ് ബൈക്കുകള്ക്കായി അന്വേഷണം തുടരുകയാണ്.