മലയാള സിനിമ പ്രേക്ഷകർക്ക് ഏറെ പ്രിയങ്കരനാണ്‌ സുരേഷ് ഗോപി എംപി. ആക്ഷൻ ഹീറോ എന്നാണ് അദ്ദേഹം അറിയപ്പെടുന്നത്. അഭിനയത്തിന് പുറമേ മികച്ച ഗായഗനാണെന്ന് തെളിയിച്ച താരം കൂടെയാണ് സുരേഷ് ഗോപി എംപി.
പലപ്പോഴും ഒരു താരജാഡയും കാണിക്കാതെ പലവേദികളിലും അദ്ദേഹത്തിന്റെ മനോഹര ഗാനങ്ങൾ ആസ്വാദക ഹൃദയങ്ങൾ കീഴടക്കിയിട്ടുണ്ട്. ഇപ്പോഴിതാ ഒരു വിവാഹ വേദിയിൽ പാട്ട് പാടുന്ന സുരേഷ് ഗോപിയുടെ വീഡിയോയാണ് സമൂഹമാധ്യമങ്ങളിൽ വൈറലാകുന്നത്.
തന്റെ മാസ്റ്റർ പീസായ “ഇളയനിലാ പൊഴിഗിറതേ…”എന്ന ഗാനമാണ് വേദിയിൽ സുരേഷ് ഗോപി ആലപിച്ചത്. പ്രശസ്‌ത വയലിനിസ്റ്റ് ശബരീഷ് പ്രഭാകര്‍ ആണ് വീഡിയോ പങ്കുവച്ചിരിക്കുന്നത്. “ഈ സ്‌നേഹം എന്നും എന്നെ അത്ഭുതപെടുത്തിയിട്ടേ ഉള്ളു , ഞാന്‍ ചോദിച്ചു അദ്ദേഹം എനിക്ക് തന്നു’ എന്നാണ് വീഡിയോ പങ്കുവെച്ച് കൊണ്ട് അദ്ദേഹം കുറിച്ചത്.
അതേസമയം വിവാഹ വേദിയിലേക്ക് ഒട്ടും മടി കൂടാതെ എത്തിയ താരം മൈക്ക് വാങ്ങി പ്രിയപ്പെട്ട ഗാനം ആലപിക്കുകയായിരുന്നു. നിറ കയ്യടിയോടെയാണ് സുരേഷ് ഗോപിയുടെ പാട്ട് ഏവരും കേട്ടത്. നാല് വരി പാട്ടും പാടി പാടി സുരേഷ് ഗോപി വേദി വിടുകയും ചെയ്തു. വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.
