തിരുവനന്തപുരം: എകെജി സെന്റര് ആക്രമിച്ച കേസില് ഒന്നാം പ്രതി യൂത്ത് കോണ്ഗ്രസ് പ്രവര്ത്തകന് ജിതിന് ജാമ്യം. ഉത്തരവിട്ടത് ഹൈക്കോടതിയാണ്. ജസ്റ്റിസ് ബിജു എബ്രഹാമിന്റെ ബെഞ്ചിന്റേതാണ് ജാമ്യം നല്കിക്കൊണ്ടുള്ള വിധി. ഉപാധികളോടെയാണ് പ്രതിക്ക് കോടതി ജാമ്യം അനുവദിച്ചത്.
കേസ് കെട്ടിച്ചമച്ചതാണെന്നും തെളിവുകളില്ലാതെ കേസില് കുടുക്കിയെന്നുമായിരുന്നു ജാമ്യ ഹര്ജിയില് ജിതിന് ആവശ്യപ്പെട്ടത്. ജാമ്യാപേക്ഷയെ സംസ്ഥാന സര്ക്കാര് എതിര്ത്തിരുന്നു.
ജിതിനെതിരെ ഒട്ടേറെ കേസുകള് ഉണ്ടെന്നും, ജാമ്യം നല്കിയാല് കേസ് അന്വേഷണത്തെ ബാധിക്കുമെന്നുമാണ് സര്ക്കാര് വാദിച്ചത്. കേസില് തിരുവനന്തപുരം ആറ്റിപ്ര മണ്ഡലം യൂത്ത് കോണ്ഗ്രസ് പ്രഡിഡന്റ് ജിതിനെ കഴിഞ്ഞ മാസം 22നാണ് ക്രൈംബ്രാഞ്ച് അറസ്റ്റ് ചെയ്തത്.
