വയനാട്: അഴിമതിക്കെതിരെ ശക്തമായി നിലകൊള്ളുന്ന സർക്കാരാണ് പ്രധാനമന്ത്രി നരേന്ദ്രമോദിയുടെതെന്ന് വയനാട് ലോക്സഭാ മണ്ഡലത്തിലെ എൻഡിഎ സ്ഥാനാർത്ഥിയും ബിജെപി സംസ്ഥാന അദ്ധ്യക്ഷനുമായ കെ.സുരേന്ദ്രൻ. രാജ്യത്തെ ഏറ്റവും വലിയ അഴിമതിക്കാരായ രാഷ്‌ട്രീയ നേതാക്കളെല്ലാം ഇന്ന് അഴിയെണ്ണുകയാണെന്നും കെ.സുരേന്ദ്രൻ പറഞ്ഞു. വയനാട്ടിൽ തെരഞ്ഞെടുപ്പ് പ്രചാരണത്തിനിടെ സംസാരിക്കുകയായിരുന്നു അദ്ദേഹം.
‘അഴിമതിക്കെതിരെ ശക്തമായി നിലകൊള്ളുന്ന സർക്കാരാണ് നരേന്ദ്രമോദിയുടേത്. ഈ രാജ്യത്തെ ഏറ്റവും വലിയ അഴിമതിക്കാരായ രാഷ്‌ട്രീയ നേതാക്കളെല്ലാം ഇന്ന് കേസുകളിൽ പെട്ട് അഴി എണ്ണുകയാണ്. ദില്ലി മുഖ്യമന്ത്രി അരവിന്ദ് കെജ്‍രിവാൾ അഴിമതി കേസിൽ ജയിലിലാണ്. അതിന് മുൻപ് ഹേമന്ത് സോറൻ അറസ്റ്റിലായിരുന്നു.
തെലങ്കാന മുഖ്യമന്ത്രിയുടെ മകളും ജയിലിലാണ്. ഇതെല്ലാം പ്രതിഫലിക്കുന്നത് അഴിമതിക്കെതിരെയുള്ള ശക്തമായ ജനവികാരമാണ്. ആ ജനവികാരവും അതിന്റെ നിയമനടപടികളും രാജ്യത്ത് ഒരു പോലെ നടക്കുകയാണ്. അഴിമതി നിർമ്മാർജ്ജനം ചെയ്യുക എന്ന പ്രഖ്യാപിത ലക്ഷ്യമാണ് മോദി സർക്കാരിനുള്ളത് എന്ന് കെ. സുരേന്ദ്രൻ പറഞ്ഞു.
