ബിഗ് ബോസ് മലയാളം സീസൺ 5 ഇപ്പോൾ മൂന്നാഴ്ചകൾ പിന്നിട്ടിരിക്കുകയാണ്. ഇതിനോടകം തന്നെ പല മത്സരാർത്ഥികളും പ്രേക്ഷകരുടെ പ്രീതി പിടിച്ചുപറ്റിയിട്ടുണ്ട്. തന്റെ ശാന്ത സ്വഭാവത്തിലൂടെയും നിലപാടുകളിലൂടെയും പ്രേക്ഷകരെ കയ്യിലെടുത്ത മത്സരാർഥിയാണ് റാപ്പറും നടനുമായ റിനോഷ് ജോർജ്. ഇപ്പോൾ റിനോഷിനെക്കുറിച്ച് ബിഗ് ബോസ് മലയാളം സീസൺ 4ലെ മത്സരാർത്ഥിയായ അശ്വിൻ പറഞ്ഞ വാക്കുകളാണ് ശ്രദ്ധ നേടുന്നത്. റിനോഷിനെ തനിക്ക് ഇഷ്ടമാണെന്നും ഈ സീസണിൽ താൻ ഉണ്ടായിരുന്നെങ്കിൽ റിനോഷിനോട് പ്രണയം പറയുമായിരുന്നു എന്നുമാണ് അശ്വിൻ ഒരു അഭിമുഖത്തിൽ പറഞ്ഞത്.
ഈ സീസൺ എനിക്ക് ഇഷ്ടമാണ്. പക്ഷെ ഈ സീസണിലെ എല്ലാവരും ഗെയിം കണ്ടറിഞ്ഞ് വന്നവരെന്നാണ് അശ്വിൻ പറയുന്നത്. എനിക്ക് കൂട്ടത്തിൽ കൂടുതൽ ഇഷ്ടം റിനോഷിനെയും നാദിറയെയുമാണ്. റിനോഷിന്റെ ഗെയിമല്ല ഇഷ്ടമെന്നും മറിച്ച് റിനോഷ് എന്ന വ്യക്തിയെയാണ് ഇഷ്ടമെന്നും അശ്വിൻ പറയുന്നു. ഈ സീസണിലാണ് താൻ ഉണ്ടായിരുന്നതെങ്കിൽ റിനോഷിനോട് താൻ പ്രണയം പറയുമായിരുന്നുവെന്നും എന്നിട്ട് ലവ് സ്ട്രാറ്റജി കളിച്ച് എങ്ങനെയെങ്കിലും പോയേനെയെന്നും അശ്വിൻ പറയുന്നു.
മജീഷ്യനായ അശ്വിൻ കഴിഞ്ഞ സീസണിൽ ഷോയിൽ വെച്ച് തന്നെ താൻ ഒരു ഗേ ആണെന്ന് വെളിപ്പെടുത്തിയിരുന്നു.
