തന്റെ സമ്പാദ്യത്തിൽ നിന്നും 20 ശതകോടി ഡോളര്‍ സംഭാവന നല്‍കി മൈക്രോസോഫ്റ്റ് സഹസ്ഥാപകന്‍ ബില്‍ഗേറ്റ്‌സ്. ബില്‍ ആന്റ് മെലിന്‍ഡ ഗേറ്റ്‌സ് ഫൗണ്ടേഷനാണ് ഇത്രയും വലിയ തുക സംഭാവനയായി നൽകിയത്. കൊവിഡ്-19, യുക്രൈനിലേക്കുള്ള റഷ്യന്‍ അധിനിവേശം തുടങ്ങിയ ആഗോള വെല്ലുവിളികളുടെ പശ്ചാത്തലത്തിലാണ് ബില്‍ഗേറ്റ്‌സ് ഇങ്ങനെയൊരു തീരുമാനം എടുത്തത്. പ്രതിസന്ധി കാലഘട്ടത്തില്‍ എല്ലാവരും സഹായഹസ്തവുമായി മുന്നോട്ട് വരണമെന്നും ബില്‍ ഗേറ്റ്‌സ് വിശദീകരിച്ചു.
ബില്‍ ആന്റ് ഗേറ്റ്‌സ് ലോകത്തിലെ ഏറ്റവും വലിയ ജീവ കാരുണ്യ സംഘടനകളിലൊന്നാണ്. 2026 ഓടെ ഓരോ വര്‍ഷവും അതിന്റെ പ്രതിവര്‍ഷ സംഭാവന ഉയർത്തികൊണ്ട് വരാനാണ് കമ്പനിയുടെ നീക്കം. ഭാവിയില്‍ തന്റെ സമ്പത്ത് മുഴുവന്‍ ചാരിറ്റിക്ക് വേണ്ടി സംഭാവന നല്‍കുമെന്നും ബില്‍ ഗേറ്റ്‌സ് വ്‌ളോഗിലൂടെ പ്രഖ്യാപിച്ചിരുന്നു.
“കൂടുതൽ നൽകുന്നതിലൂടെ, ആളുകൾ ഇപ്പോൾ നേരിടുന്ന ചില കഷ്ടപ്പാടുകൾ ലഘൂകരിക്കാനും ഓരോ വ്യക്തിക്കും ആരോഗ്യകരവും ഉൽപ്പാദന ക്ഷമവുമായ ജീവിതം നയിക്കാനുള്ള അവസരം നൽകുന്നതിനുള്ള ഫൗണ്ടേഷന്റെ കാഴ്ചപ്പാട് നിറവേറ്റാൻ സഹായിക്കാനും കഴിയുമെന്ന് ഞാൻ പ്രതീക്ഷിക്കുന്നു.” എന്ന് അദ്ദേഹം പറഞ്ഞു.
