ഒരു പുള്ളിപ്പുലി കണ്ണിൽ പെടാതെ ഒളിച്ചിരിക്കുന്ന ചിത്രമാണ് ഇപ്പോൾ സോഷ്യൽ മീഡിയയിൽ വൈറലായികൊണ്ടിരിക്കുന്നത്. പുള്ളിപ്പുലികൾക്ക് ചുറ്റുമുള്ള കുറ്റിക്കാടുകളിലും കുറ്റിച്ചെടികളിലും എളുപ്പത്തിൽ ഒളിക്കാൻ അനുവദിക്കുന്ന ഒരു കോട്ട് ഉണ്ട്, ഇതാണ് ഈ വൈറൽ ഫോട്ടോയിൽ കാണാൻ സാധിക്കുന്നത്. അമിത് മെഹ്‌റ എന്നയാളാണ് ചിത്രം ട്വിറ്ററിൽ പോസ്റ്റ് ചെയ്തത്. “ഈ ചിത്രത്തിൽ ഒരു പുള്ളിപ്പുലിയുണ്ട്, ഇത് കണ്ടെത്താൻ ശ്രമിക്കുക” എന്നായിരുന്നു ക്യാപ്ഷൻ.
ഫോട്ടോയിലെ കാട്ടുപൂച്ചയെ തിരയാൻ പല നെറ്റിസൺമാരും ബുദ്ധിമുട്ടി. മറ്റുള്ളവർ അത് പെട്ടെന്ന് കണ്ടുപിടിച്ചു. നിങ്ങൾ ഇപ്പോഴും പുലിയെ തിരയുകയാണോ? ശരി, ചിത്രത്തിന്റെ വലതുവശത്ത് താഴെയായി സൂക്ഷിച്ചു നോക്കൂ. ഉണങ്ങിയ മരവും പുല്ലും കൊണ്ട് ഭംഗിയായി മറഞ്ഞിരിക്കുന്ന പുള്ളിപ്പുലിയെ കാണാം. രണ്ടായിരത്തിലധികം ലൈക്ക് ആണ്‌ ചിത്രത്തിന് ലഭിച്ചത്.
