തിരുവനന്തപുരം: മലയാള സിനിമയുടെ രണ്ട് സ്വകാര്യ അഹങ്കാരങ്ങളാണ് നടന വിസ്മയം മോഹൻലാലും, സംവിധായകൻ പ്രിയദർശനും. ഇവരുടെ കൂട്ടുകെട്ടിൽ പിറന്ന ചിത്രങ്ങളെല്ലാം പ്രേക്ഷകർ ഇരുകൈയ്യും നീട്ടിയാണ് സ്വീകരിച്ചിട്ടുള്ളത്. എന്നാൽ സിനിമ ലോകത്ത്‌ മാത്രമല്ലാതെ തൻറെ ജീവിതത്തിലും ഉറ്റ സുഹൃത്തായ പ്രിയദർശന്റെ ജന്മദിനം ആഘോഷമാക്കുകയാണ് മോഹൻലാൽ. അദ്ദേഹത്തിന്റെ ഫേസ്ബുക് പോസ്റ്റാണ് ഇപ്പോൾ സോഷ്യൽ മീഡിയയിൽ വൈറലാകുന്നത് “പ്രിയപ്പെട്ട പ്രിയന് ജന്മദിനാശംസകൾ” -എന്നാണ് അദ്ദേഹം കുറിച്ചത്. ഇരുവരും ഒന്നിച്ചിരിക്കുന്ന മനോഹരമായ ചിത്രവും സോഷ്യൽ മീഡിയയിൽ തരംഗമായി മാറുകയാണ്. കറുത്ത നിറത്തിലുള്ള വസ്ത്രങ്ങൾ അണിഞ്ഞ പ്രിയദർശനും വെളുത്ത ഷർട്ട് ധരിച്ച് മോഹൻലാലിനെയും ചിത്രത്തിൽ കാണാം.
അതേസമയം, ഇന്ത്യൻ സിനിമാ ലോകം ആകാംക്ഷയോടെ കാത്തിരിക്കുകയാണ് ‘മരക്കാര്‍ അറബിക്കടലിന്റെ സിംഹം’ റിലീസിനായി. മോഹൻലാൽ – പ്രിയദർശൻ മാജിക് ഈ ചിത്രത്തിലും ഉണ്ടാകും എന്ന് പ്രതീക്ഷിക്കാം. കഴിഞ്ഞ വർഷം മാർച്ചിൽ റിലീസ് ചെയ്യേണ്ടിയിരുന്ന ചിത്രം അടുത്തു തന്നെ തീയേറ്ററുകളിലെത്തും. ചിത്രം ഹിന്ദി, തമിഴ്, തെലുങ്കു, കന്നഡ തുടങ്ങിയ ഭാഷകളിലായി 100 കോടി ബജറ്റിലാണ് നിർമ്മിച്ചത്. അനി ഐ വി ശശിയും, പ്രിയദര്‍ശനും ചേര്‍ന്നാണ് തിരക്കഥ ഒരുക്കിയിരിക്കുന്നത്.
