പത്തനംതിട്ട: പത്തനംതിട്ടയിൽ കോവിഡ് ഉണ്ടെന്ന് കരുതി രോഗബാധ ഇല്ലാത്തയാളെ ചികിത്സിച്ചതായി പരാതി. പത്തനംതിട്ട മെഴുവേലി പഞ്ചായത്ത് 13ാം വാര്ഡിലാണ് സംഭവം. രോഗബാധ ഇല്ലാത്ത തൊഴിലുറപ്പ് തൊഴിലാളി രാജുവിനെയാണ് രണ്ടു ദിവസം കോവിഡ് കെയര് സെന്ററില് ചികിത്സിച്ചതായി പരാതി ഉയർന്നിരിക്കുന്നത്. ഇയാൾ തന്നെയാണ് ഇതുസംബന്ധിച്ച് പരാതി നൽകിയതും.
ഈ മാസം 16ന് ഇലവുംതിട്ടയിലെ കോവിഡ് ചികിത്സാ കേന്ദ്രത്തില് പ്രവേശിപ്പിച്ച രാജുവിനെ ഇന്നലെ വൈകുന്നേരമാണ് വിട്ടയച്ചത്. എന്നാൽ ആര്ടിപിസിആര് ഫലം വിലയിരുത്തിയത്തില് സംഭവിച്ച പിഴവാണ് പ്രശ്നങ്ങള്ക്ക് ഇടയാക്കിയതെന്നാണ് സംഭവത്തില് ആശാ പ്രവര്ത്തകരുടെ വിശദീകരണം. ഇന്നലെ വൈകുന്നേരമാണ് ഫലം തെറ്റാണെന്ന് പറഞ്ഞ് രാജുവിനെ വീട്ടിലേക്ക് അയച്ചത്.
കഴിഞ്ഞ മൂന്ന് ദിവസമായി രാജു കോവിഡ് പോസിറ്റീവ് ആയ ആളുകളുടെ കൂടെയായിരുന്നു. ഇയാള് നിലവില് വീട്ടില് ക്വാറന്റൈനിലാണ്. സമാനമായ രീതിയില് മൂന്നുപേരെ കൂടി തെറ്റായ ഫലത്തിന്റെ പേരില് ക്വാറന്റൈനിലാക്കിയിരുന്നു. അതേസമയം ആരോഗ്യ മന്ത്രിയുടെ മണ്ഡലത്തില് തന്നെ ഉള്പ്പെട്ട പ്രദേശമാണ് മെഴുവേലി. സംഭവത്തിൽ കനത്ത വിമർശനം പല ഭാഗത്തുനിന്നും ഉയരുന്നുണ്ട്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona