ദില്ലി :അന്തരിച്ച മുൻ യുപി മുഖ്യമന്ത്രി കല്യാൺ സിംഗിനെതിരായ കോടതിയലക്ഷ്യ കേസ് ഹർജിക്കാരന്റെ മരണം ചൂണ്ടിക്കാട്ടി സുപ്രീം കോടതി റദ്ദാക്കി . ബാബറി കെട്ടിടം തകർത്തതുമായി ബന്ധപ്പെട്ട കോടതിയലക്ഷ്യ കേസാണ് റദ്ദാക്കിയത്. 2019ലെ അയോദ്ധ്യ വിധിയുടെ പശ്ചാത്തലത്തിൽ വിഷയം നിലനിൽക്കുന്നില്ലെന്നും കോടതി ചൂണ്ടിക്കാട്ടി.
രഥയാത്രയ്ക്കും ബാബറി കെട്ടിടം പൊളിക്കലിനും യുപി സർക്കാർ അനുമതി നൽകിയതിനാലാണ് കല്യാൺ സിങ്ങിനും മറ്റുള്ളവർക്കുമെതിരെയുള്ള പ്രതിഷേധത്തിന് തുടക്കമിട്ടത്. ഹർജിക്കാരനും മുൻ മുഖ്യമന്ത്രിയും മരിച്ചിട്ട് വർഷങ്ങളായി ചൂണ്ടിക്കാട്ടിയാണ് സുപ്രീം കോടതി കേസ് റദ്ദാക്കിയത്. ബാബറി കെട്ടിടം പൊളിക്കലുമായി ബന്ധപ്പെട്ട മറ്റ് കേസുകളെ ഇത് ബാധിക്കില്ലെന്നും കോടതി പറഞ്ഞു
