ഉത്തരകൊറിയയിൽ അതിവേഗം പടർന്നുകൊണ്ടിരിക്കുന്ന കൊറോണ രാജ്യത്തിന് വലിയ ദുരന്തമാണ് സൃഷ്ടിച്ചതെന്നായിരുന്നു പ്രസിഡന്റ് കിം ജോങ്-ഉൻ പറഞ്ഞത്. ശനിയാഴ്ച നടന്ന അടിയന്തര യോഗത്തിൽ വൈറസിന്റെ വ്യാപനം നേരിടാൻ സമഗ്രമായ പോരാട്ടത്തിന് കിം ആഹ്വാനം ചെയ്തു. ഇക്കാര്യങ്ങൾ റിപ്പോർട്ട് ചെയ്തത് ദേശീയ മാധ്യമങ്ങളാണ്.
രാജ്യത്ത് ആദ്യ കേസ് സ്ഥിതീകരിച്ചത് വ്യാഴാഴ്ച്ച ആയിരുന്നു. എന്നാൽ കുറച്ച് കാലമായി വൈറസ് വ്യാപിക്കുന്നുണ്ടെന്നാണ് വിദഗ്ധർ വിശ്വസിക്കുന്നത്. ഒരു വലിയ പൊട്ടിത്തെറി ഉത്തരകൊറിയയിൽ ഗുരുതരമായ പ്രത്യാഘാതങ്ങൾ ഉണ്ടാക്കുമെന്ന് ആശങ്കയുണ്ട്. വാക്‌സിനേഷൻ പ്രോഗ്രാമിന്റെ അഭാവവും മോശം ആരോഗ്യ പരിരക്ഷാ സംവിധാനവും കാരണം 25 ദശലക്ഷത്തിലധികം ജനസംഖ്യയുളള രാജ്യം പ്രതിസന്ധിയിൽ തുടരുകയാണ്.
പനി ബാധിച്ച് അര ദശലക്ഷം കേസുകൾ ഉണ്ടായതായി ശനിയാഴ്ച പ്രാദേശിക മാദ്ധ്യമങ്ങൾ റിപ്പോർട്ട് ചെയ്തു. രാജ്യത്ത് പരിമിതമായ പരിശോധനാ ശേഷിയുള്ളതിനാൽ മിക്ക കോവിഡ് കേസുകളും സ്ഥിരീകരിച്ചിട്ടില്ല. ആ കണക്ക് വെള്ളിയാഴ്ചയും വ്യാഴാഴ്ചയും നൽകിയ സംഖ്യകളിൽ വലിയ വർദ്ധനവ് രേഖപ്പെടുത്തി, ഇത് ഉത്തര കൊറിയയുടെ വ്യാപനത്തിന്റെ തോത് സംബന്ധിച്ച് ചില സൂചനകൾ നൽകുകയാണ്.
‘രാജ്യം സ്ഥാപിതമായതിനുശേഷം ഏറ്റവും വലിയ പ്രതിസന്ധിയാണ് പകർച്ചവ്യാധിയിലൂടെ ഉണ്ടായിരിക്കുന്നതെന്ന് കിമ്മിനെ ഉദ്ധരിച്ച് ഔദ്യോഗിക വാർത്താ ഏജൻസിയായ കെസിഎൻഎ റിപ്പോർട്ട് ചെയ്തു. ബ്യൂറോക്രാറ്റുകളുടെയും ആരോഗ്യപ്രവർത്തകരുടെയും കഴിവില്ലായ്മയാണ് പ്രതിസന്ധിക്ക് കാരണമെന്നും, അയൽരാജ്യമായ ചൈന പോലുള്ള രാജ്യങ്ങളുടെ പ്രതികരണത്തിൽ നിന്ന് പാഠങ്ങൾ പഠിക്കാമെന്നും അദ്ദേഹം അഭിപ്രായപ്പെട്ടുതായി പ്രാദേശിക മാധ്യമങ്ങൾ വ്യക്തമാക്കുകയും ചെയ്തു. പനി ബാധിച്ച് ഏപ്രിൽ മുതൽ 27 പേർ മരിച്ചതായും മാധ്യമങ്ങൾ റിപ്പോർട്ട് ചെയ്തു.
ദക്ഷിണ കൊറിയയുമായും ചൈനയുമായും കര അതിർത്തികൾ പങ്കിടുന്ന രാജ്യമാണ് ഉത്തരകൊറിയ. ചൈന ഇപ്പോൾ അതിന്റെ ഏറ്റവും വലിയ നഗരങ്ങളിൽ ലോക്ക്ഡൗൺ ഏർപ്പെടുത്തി ഒമിക്രോൺ തരംഗത്തെ നിയന്ത്രിക്കാൻ പാടുപെടുകയാണ്. വ്യാഴാഴ്ചത്തെ പ്രഖ്യാപനത്തിന് ശേഷം മാനുഷിക സഹായം വാഗ്ദാനം ചെയ്തതായി ദക്ഷിണ കൊറിയ പറഞ്ഞെങ്കിലും പ്യോങ്യാങ് ഇതുവരെ പ്രതികരിച്ചിട്ടില്ല.
