പ്രധാനമന്ത്രി നരേന്ദ്രമോദിയെ പുകഴ്ത്തിയതിന് സി.പിഎം മഹാരാഷ്ട്ര സംസ്ഥാന സെക്രട്ടറിയും കേന്ദ്രകമ്മിറ്റി അംഗവുമായ നരസയ്യ അദാമിനെ കേന്ദ്ര കമ്മിറ്റിയില്‍ നിന്ന് മൂന്നുമാസത്തേക്ക് സസ്പെന്‍ഡ് ചെയ്തു. പ്രധാനമന്ത്രി കൂടി പങ്കെടുത്ത ബീഡിക്ഷേമനിധി ഉദ്ഘാടന ചടങ്ങിൽ നരേന്ദ്ര മോദിയെ പുകഴ്ത്തിയതിനും പാർട്ടിയെ കളങ്കപ്പെടുത്തി സംസാരിച്ചതിനുമാണ് നടപടി
സോളാപൂരിലെ ക്ഷേമപദ്ധതികളുടെ ഉദ്ഘാടനച്ചടങ്ങിൽ പങ്കെടുക്കാനെത്തിയതായിരുന്നു നരേന്ദ്രമോദി. വികസനം മന്ദഗതിയിലാക്കിയ യുപിഎ സർക്കാരിനെ കടന്നാക്രമിച്ചായിരുന്നു നരേന്ദ്രമോദിയുടെ പ്രസംഗം. ഇതിന് ശേഷമാണ് ബീഡി തൊഴിലാളികളുടെ ഭവനപദ്ധതി, കുടിവെള്ളപദ്ധതി എന്നിവ ഉദ്ഘാടനം ചെയ്യാൻ മോദിയെത്തിയത്.
”2022ഓടെ പദ്ധതി പൂർത്തിയാകും. അപ്പോൾ പ്രധാനമന്ത്രിയായി നരേന്ദ്രമോദി തന്നെ പദ്ധതിയുടെ ഉദഘാടനം നിർവഹിക്കാനെത്തണമെന്നാണ് എന്റെ ആഗ്രഹം.”നരസയ്യ അദാമിൻ്റെ ഈ പ്രസ്താവനയാണ് സസ്പെൻഷനിലേക്കു വഴിവെച്ചത്.
