എറണാകുളം: ചെട്ടിച്ചിറയില്‍ മധ്യവയസ്‌കനെ മരിച്ച നിലയില്‍ കണ്ടെത്തി. കണ്ണൂര്‍ സ്വദേശി രാജീവനാണ് മരിച്ചത്. ഓട്ടോറിക്ഷാ തൊഴിലാളിയാണ് രാജീവ്. മൃതദേഹത്തിന് മൂന്ന് ദിവസത്തെ പഴക്കം
ഉണ്ടെന്നാണ് നിഗമനം. സംഭവത്തിൽ പൊലീസ് കേസെടുത്ത് അന്വേഷണമാരംഭിച്ചു.
ചെട്ടിച്ചിറയ്ക്ക് സമീപമുള്ള കുമാരനാശാന്‍ റോഡിലെ വാടക വീട്ടിലാണ് രാജീവനെ മരിച്ച നിലയില്‍ കണ്ടെത്തിയത്. പ്രദേശത്ത് നിന്ന് ദുര്‍ഗന്ധം വന്നതോടെ നടത്തിയ പരിശോധനയിലാണ് മൃതദേഹം കിട്ടിയതെന്ന് വാര്‍ഡ് കൗണ്‍സിലര്‍ വ്യക്തമാക്കി. മരിച്ച രാജീവ് എറണാകുളത്ത് തന്റെ വീട്ടിൽ ഒറ്റയ്ക്കായിരുന്നു താമസം. പൊലീസ് അറിയിച്ചതനുസരിച്ച് ബന്ധുക്കള്‍ എറണാകുളത്തെത്തിയിട്ടുണ്ട്. ഇന്‍ക്വസ്റ്റ് നടപടികള്‍ ആരംഭിച്ചു.
