പാലക്കാട് : ധോണിയിൽ വീണ്ടും പി ടി സെവൻറെ വിളയാട്ടം.ജനവാസമേഖലയിൽ ഇറങ്ങി വീണ്ടും ദുരിതം സൃഷ്ടിക്കുകയാണ്.ധോണിയിലെ വീടിന്റെ മതിൽ തകർക്കുകയാണ് ചെയ്തത്.അർദ്ധരാത്രി 12 മണിയോടെയാണ് ആനയിറങ്ങിയത്. ഭീതി പരത്തി ഏറെ നേരം ജനവാസമേഖലയിൽ തുടർന്നു.
പിന്നീട് നാട്ടുകാരും വനംവകുപ്പ് ഉദ്യോഗസ്ഥരുമടക്കം ആനയെ കാടുകയറ്റി. ദൗത്യസംഘം ഇന്ന് പാലക്കാട് എത്തും.വെള്ളിയോ ശനിയോ മയക്കുവെടി വച്ചേക്കും. തിങ്കളാഴ്ച മുതൽ ജനകീയ പ്രക്ഷോഭത്തിന് തയ്യാറെടുക്കുകയാണ് നാട്ടുകാർ.
