തൃശൂര്‍: തൃശൂർ കൂര്‍ക്കഞ്ചേരിയില്‍ തൈപ്പൂയ ആഘോഷ എഴുന്നള്ളിപ്പിനിടയിൽ ആനയിടഞ്ഞു. ക്ഷേത്രത്തിനകത്തേക്ക് പ്രവേശിക്കുന്നതിനിടെയാണ് ആന ഇടഞ്ഞത്. ഊട്ടോളി അനന്തൻ ആണ് ഇടഞ്ഞത്. കണിമംഗലത്ത് നിന്നുമുള്ള പൂരത്തിന് എഴുന്നെള്ളിച്ചതായിരുന്നു
ക്ഷേത്രത്തിൽ പഞ്ചവാദ്യം കൊട്ടിക്കലാശത്തിലേക്ക് എത്തിയ നേരത്തായിരുന്നു പെട്ടെന്ന് പിൻവശത്തേക്ക് തിരിഞ്ഞ് ആന പ്രകോപിതനായത്.
എന്നാൽ ആന പൂർണ ആരോഗ്യവാനായിരുന്നു. ആനപ്പുറത്ത് 2 പേർ ഉള്ളപ്പോഴാണ് ഇടഞ്ഞത്. ആന ഇടഞ്ഞതോടെ ക്ഷേത്ര പരിസരത്തുള്ളവർ ചിതറി മാറി. ആർക്കും പരുക്കില്ല.
തുടർന്ന് അരമണിക്കൂർ സമയത്തെ പരിശ്രമത്തിനൊടുവിലാണ് ആനയെ തളച്ചത്. ആനപ്പുറത്തുണ്ടായിരുന്ന രണ്ട് പാപ്പാൻമാരെ താഴെയിക്കി .
അതേസമയം കോവിഡ് നിയന്ത്രണങ്ങളുള്ളതിനാൽ വലിയ ആൾക്കൂട്ടമില്ലാതിരുന്നത് പോലീസിന് നിയന്ത്രിക്കാൻ സൗകര്യമായി.
