വയനാട്: സ്വന്തം മകളോട് അച്ഛന്റെ കൊടും ക്രൂരത. മകളെ പീഡിപ്പിച്ച അച്ഛന് 25 വർഷം കഠിനതടവും അഞ്ച് ലക്ഷം രൂപ പിഴയും ശിക്ഷ. പന്ത്രണ്ട് വയസ്സുള്ള മകളെ പിതാവ് ലൈംഗികമായി പീഡിപ്പിക്കുകയായിരുന്നു.
പ്രതിയായ പെൺകുട്ടിയുടെ അച്ഛനെതിരെ കൽപ്പറ്റ ഫാസ്റ്റ് ട്രാക്ക് സ്പെഷ്യൽ കോടതി ജഡ്ജിയാണ് ശിക്ഷ വിധിച്ചത്.
അഞ്ച് ലക്ഷം രൂപ പിഴയടക്കാത്ത പക്ഷം അഞ്ച് വർഷം അധിക തടവ് അനുഭവിക്കണം. തലപ്പുഴ പോലീസ് സ്റ്റേഷൻ പരിധിയിൽ 2018ലാണ് കേസിനാസ്പദമായ ദാരുണ സംഭവമുണ്ടായത്. കുട്ടിയുടെ അമ്മ വിദേശത്തായിരിക്കെയാണ് അച്ഛന് ക്രൂരകൃത്യം ചെയ്തത്.
