മുംബൈ: ഇ-കൊമേഴ്സ് വമ്പന്മാരായ ആമസോണിനും ഫ്ലിപ്കാര്‍ട്ടിനും നോട്ടീസ് അയച്ച്‌ മഹാരാഷ്ട്ര ഫുഡ് ആന്‍ഡ് ഡ്രഗ് അതോറിറ്റി. കുറിപ്പടി ഇല്ലാതെ ഗര്‍ഭ നിരോധന ഗുളികകളും കിറ്റുകളും വിൽക്കുന്നതിനെതിരെയാണ് കമ്പനികൾക്കെതിരെ മഹാരാഷ്ട്ര സർക്കാർ നോട്ടീസ് അയച്ചത്. 1940ലെ ഡ്രഗ്സ് ആന്‍ഡ് കോസ്മെറ്റിക്സ് ആക്‌ട് പ്രകാരമാണ് നടപടി.
ഇ-കൊമേഴ്സ് പ്ലാറ്റ്ഫോമുകളിലൂടെ മരുന്നുകള്‍ ഡോക്ടറുടെ കുറിപ്പടി ഇല്ലാതെ ലഭ്യമാണെന്ന് ശ്രദ്ധയില്‍പ്പെട്ടതോടെ എഫ്ഡിഎ നടപടി തുടങ്ങിയത്. 34 ഇ-കൊമേഴ്സ് പോർട്ടലുകൾ ഇത്തരത്തിൽ കുറിപ്പടി ഇല്ലാതെ മരുന്നുകൾ വിൽക്കുന്നുണ്ടോയെന്ന് പരിശോധിച്ചതായും എഫ്ഡിഎ വ്യക്തമാക്കി.
അതേസമയം രാജ്യത്ത് ഫ്ലാഷ് സെയ്ൽ നിരോധിക്കാനാവില്ലെന്ന് കേന്ദ്ര സർക്കാർ. ഇ-കൊമേഴ്സ് സ്ഥാപനങ്ങളെ നിയന്ത്രിക്കാനുളള ച‌ട്ടം ഓഗസ്റ്റ് അവസാനത്തോടെ അന്തിമമാക്കാനൊരുങ്ങുന്നതിനിടയിലാണ് തീരുമാനം. നിശ്ചിത ഇടവേളകളിലും ഉത്സവ ദിവസങ്ങളിലും നടത്തുന്ന വിലക്കിഴിവ് ഉറപ്പാക്കുന്ന ഫ്ലാഷ് സെയിൽ നിരോധിക്കില്ല. എന്നാൽ, അപ്രായോഗികമായ ഡിസ്കൗണ്ട് പ്രഖ്യാപിക്കൽ തടയാനും കരട് ചട്ടങ്ങൾ വ്യവസ്ഥ ചെയ്യുന്നു.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
