കീവ്: രാജ്യം സ്വതന്ത്രമാവുന്നത് വരെ പോരാടുമെന്ന് യുക്രൈൻ പ്രസിഡന്റ് വ്ലോഡിമിർ സെലെൻസ്കി.
രാജ്യം സ്വതന്ത്രമാവുന്നത് വരെ ഞങ്ങൾ പോരാടും. ഷെല്ലാക്രമണം തുടരുമ്പോഴും അഭയകേന്ദ്രങ്ങളിൽ കുട്ടികൾ ജനിക്കുന്നുണ്ട്. അതുകൊണ്ടുതന്നെ ഈ യുദ്ധത്തിൽ ശത്രുക്കൾക്ക് സാധ്യതയില്ലയെന്ന് സെലെൻസ്കി സോഷ്യൽ മീഡിയയിൽ പോസ്റ്റ് ചെയ്തു.
അതേസമയം ബെൽജിയവും ജർമ്മനിയും യുക്രൈനെ സഹായിക്കാനെത്തിയിട്ടുണ്ട്. ബെൽജിയം യുക്രൈൻ സൈന്യത്തിന് 2,000 മെഷീൻ ഗണ്ണുകളും 3,800 ടൺ ഇന്ധനവും നൽകും. ജർമ്മനി യുക്രൈനിന് ആയുധങ്ങൾ വിതരണം ചെയ്യാമെന്നും അറിയിച്ചിട്ടുണ്ട്.
ജർമ്മനിയിൽ ഉൽപ്പാദിപ്പിക്കുന്ന 400 റോക്കറ്റ് പ്രോപ്പൽഡ് ഗ്രനേഡ് ലോഞ്ചറുകൾ യുക്രൈനിലേയ്ക്ക് അയക്കാൻ രാജ്യം നെതർലാൻഡിന് അനുമതി നൽകി.
എന്നാൽ സംഘർഷത്തിൽ മറ്റുരാജ്യങ്ങളുടെ സൈനിക ഇടപെടൽ സമാധാനം പുനസ്ഥാപിക്കുന്നതിന് തീർച്ചടിയാണെന്ന് വിദഗ്ദ്ധർ അഭിപ്രായപ്പെടുന്നുണ്ട്.
