സിഡ്നി : ഓസ്ട്രേലിയൻ ക്രിക്കറ്റ് താരം ഗ്ലെൻ മാക്സ്വെൽ ഇന്ത്യൻ യുവതിയുമായി പ്രണയത്തിലാണെന്ന് സൂചന. മെൽബണിൽ സ്ഥിരതാമസമാക്കിയ വിനി രാമൻ എന്ന ഇന്ത്യൻ യുവതിയുമായി മാക്സ്വെൽ അടുപ്പത്തിലാണെന്നാണ് വാർത്ത.
ഇവരുടെ വിവാഹം ഉടനുണ്ടാകുമെന്ന് വിവിധ മാധ്യമങ്ങൾ റിപ്പോർട്ട് ചെയ്തിട്ടുണ്ടെങ്കിലും ഇരുവരും ഇക്കാര്യം സ്ഥിരീകരിച്ചിട്ടില്ല. അതേസമയം, വിനിയുടെ ഇൻസ്റ്റാഗ്രാമിൽ ഒന്നിച്ചുള്ള ചിത്രങ്ങൾ അനവധിയാണ്. രണ്ടു വർഷത്തിലധികമായി ഇരുവരും പ്രണയത്തിലാണെന്നാണ് അന്താരാഷ്ട്ര മാദ്ധ്യമങ്ങളിൽ വരുന്ന വാർത്ത.
ക്രിക്കറ്റ് മേഖലയിലുള്ള പല പ്രമുഖ താരങ്ങളും ഇന്ത്യൻ യുവതികളെ വിവാഹം കഴിച്ചിട്ടുണ്ട്. ഓസീസ് താരം ഷോൺ ടെയ്റ്റ്, ശ്രീലങ്കൻ താരം മുത്തയ്യ മുരളീധരൻ, ന്യൂസിലൻഡ് താരം ഗ്ലെൻ ടർണർ, പാകിസ്ഥാൻ താരം ഹസൻ അലി, തുടങ്ങിയവരും ഇന്ത്യൻ യുവതികളെ വിവാഹം കഴിച്ചവരാണ്. പാകിസ്ഥാൻ ക്രിക്കറ്റ് താരം ഷുഐബ് മാലിക് വിവാഹം കഴിച്ചിരിക്കുന്നത് ഇന്ത്യൻ ടെന്നീസ് താരം സാനിയ മിർസയെയാണ്.
