കോഴിക്കോട് : കരിപ്പൂരിൽ ഒരു കിലോ സ്വർണം പോലീസ് പിടികൂടി. മലപ്പുറം പട്ടർകടവ് സ്വദേശി മുഹമ്മദ് ബഷീറാണ് അറസ്റ്റിലായത്. മിശ്രിത രൂപത്തിലുള്ള 4 സ്വർണ ക്യാപ്സ്യൂളുകൾ ശരീരത്തിൽ ഒളിപ്പിച്ച് കടത്തുകയായിരുന്നു ഇയാൾ. സ്പൈസ് ജെറ്റ് വിമാനത്തിൽ ജിദ്ദയിൽ നിന്നാണ് ബഷീർ കരിപ്പൂരിൽ എത്തിയത്.
കസ്റ്റംസ് പരിശോധന പൂർത്തിയാക്കി ഇയാൾ വിമാനത്താവളത്തിന് പുറത്ത് ഇറങ്ങിയിരുന്നു. പിന്നാലെ ബഷീറിനെ പോലീസ് പിടികൂടുകയായിരുന്നു. കരിപ്പൂരിൽ തുടർച്ചയായി പോലീസ് പിടിക്കുന്ന അറുപതാമത്തെ കേസാണിത്.
