തിരുവനന്തപുരം : മുഖ്യമന്ത്രി പിണറായി വിജയന്റെ ക്യൂബ സന്ദര്‍ശനത്തെ രൂക്ഷ ഭാഷയിൽ വിമര്‍ശിച്ച് ഗവര്‍ണര്‍ ആരിഫ് മുഹമ്മദ് ഖാന്‍ രംഗത്ത് വന്നു. രാഷ്ട്രീയ തീർത്ഥയാത്രയാണ് മുഖ്യമന്ത്രി നടത്തുന്നതെന്ന് പറഞ്ഞ ഗവർണർ ആരിഫ് മുഹമ്മദ് ഖാൻ സിഗരറ്റ് ഉൽപാദന രാജ്യവുമായാണ് ആരോഗ്യ സഹകരണത്തിന് ശ്രമിക്കുന്നതെന്ന് തുറന്നടിച്ചു. ജനങ്ങളുടെ പണമാണ് ഇതുവഴി ധൂര്‍ത്തടിക്കുന്നതെന്നും ഗവർണർ അഭിപ്രായപ്പെട്ടു.
കേരളത്തിലെ ഉന്നത വിദ്യാഭ്യാസ മേഖല കുത്തഴിഞ്ഞ രീതിയിലാണെന്നും കുട്ടികളുടെ ഭാവി വച്ചാണ് കളിക്കുന്നതെന്നും ഗവര്‍ണർ വിമർശിച്ചു.മിക്ക സര്‍വകലാശാലകൾക്കും സ്ഥിര വൈസ് ചാൻസലർമാരില്ലെന്നും അദ്ദേഹം ചൂണ്ടിക്കാണിച്ചു.
