ഭോപ്പാല്: ഊട്ടി ഹെലികോപ്റ്റര് അപകടത്തില് പൊള്ളലേറ്റ് ചികിത്സയിലിരിക്കെ മരിച്ച ഗ്രൂപ്പ് ക്യാപ്റ്റന് വരുൺ സിങ്ങിന്റെ സംസ്കാരം ഇന്ന് നടക്കും. വരുണ് സിംഗ് ജോലി ചെയ്തിരുന്ന സുളൂരുവിലെ വ്യോമസേന ബേസിലെ വ്യോമസേനാ ഉദ്യോഗസ്ഥരും ധീരനായ സഹപ്രവര്ത്തകന് അന്ത്യാഞ്ജലി അര്പ്പിക്കാനായി ബെംഗളൂരുവില് എത്തി.
ഔദ്യോഗിക അന്തിമോപാചാരം അർപ്പിച്ച ശേഷം വരുൺ സിംഗിൻ്റെ മൃതദേഹം സൈനിക വിമാനത്തിൽ ഭോപ്പാലിലേക്ക് കൊണ്ടു പോയി. ഇവിടെയാണ് സംസ്കാരചടങ്ങുകൾ നിശ്ചയിച്ചിരിക്കുന്നത്. സംയുക്തസേനാമേധാവി ബിപിന് റാവത്തടക്കം 13 പേര് മരണപ്പെട്ട കൂനൂരിലെ ഹെലികോപ്റ്റര് അപകടത്തില് ജീവനോടെ രക്ഷപ്പെട്ട ഒരേ ഒരാള് വ്യോമസേനയിലെ ഗ്രൂപ്പ് ക്യാപ്റ്റനായ വരുണ് സിംഗായിരുന്നു. വെല്ലിങ്ടൺ സൈനിക ആശുപത്രിയിലെത്തുമ്പോൾ അദ്ദേഹത്തിനു ബോധമുണ്ടായിരുന്നതായും ഭാര്യയോടു സംസാരിക്കണമെന്ന് ആവശ്യപ്പെട്ടിരുന്നതായും അധികൃതർ പറഞ്ഞു
കോളജിലെ ഡയറക്ടിങ് സ്റ്റാഫ് ആയ വരുൺസിങ്, റാവത്തിനെയും സംഘത്തെയും കോയമ്പത്തൂരിനു സമീപം സൂലൂർ വ്യോമതാവളത്തിൽ സ്വീകരിച്ച് കോളജിലേക്ക് അനുഗമിക്കാൻ നിയോഗിക്കപ്പെട്ടതായിരുന്നു.
