മൂവാറ്റുപുഴ: രണ്ടര ലക്ഷത്തോളം രൂപ വിലവരുന്ന ഹെറോയിനുമായി പശ്ചിമബംഗാള്‍ സ്വദേശി പിടിയില്‍. മുളവൂര്‍ തച്ചോടത്തുംപടി ഭാഗത്ത്‌ വാടകക്ക് താമസിക്കുന്ന മുര്‍ഷിദാബാദ് ഫരീദ്പുര്‍ സ്വദേശി ഖുസിദുല്‍ ഇസ്ലാമിനെയാണ് (34) മൂവാറ്റുപുഴ പോലീസ് അറസ്റ്റ് ചെയ്തത്. ഇയാളില്‍നിന്ന് 23 ഗ്രാം ഹെറോയിന്‍ കണ്ടെടുത്തു.
പോലീസിനെ കണ്ട് രക്ഷപെടാൻ ശ്രമിച്ച പ്രതിയെ പോലീസ് ഓടിച്ചു പിടികൂടുകയായിരുന്നു. മൂവാറ്റുപുഴ ഡിവൈ.എസ്.പി എസ്. മുഹമ്മദ് റിയാസിന്‍റെ മേല്‍നോട്ടത്തില്‍ എസ്.എച്ച്‌.ഒ സി.ജെ. മാര്‍ട്ടിന്‍ എ.എസ്.ഐ പി.സി. ജയകുമാര്‍, ബിബില്‍ മോഹന്‍ എന്നിവര്‍ ചേര്‍ന്നാണ് പ്രതിയെ പിടികൂടിയത്.
