തിരുവനന്തപുരം: സംസ്ഥാനത്ത് രണ്ടാം വര്ഷ ഹയര് സെക്കന്ഡറി, വൊക്കേഷണല് ഹയര് സെക്കന്ഡറി പരീക്ഷകള്ക്ക് ഇന്ന് തുടങ്ങുന്നു. ഹയര് സെക്കന്ഡറി പരീക്ഷകൾ 2,005 കേന്ദ്രങ്ങളിലായും വൊക്കേഷണല് ഹയര്സെക്കന്ഡറി പരീക്ഷകൾ 389 കേന്ദ്രങ്ങളിലുമായി നടത്തും. ഏപ്രില് 26 വരെയാണ് പരീക്ഷകൾ നടക്കുക.
2,005 ചീഫ് സൂപ്രണ്ടുമാരും, 4,015 ഡെപ്യൂട്ടി ചീഫ് സൂപ്രണ്ടുമാരും, 22,139 ഇന്വിജിലേറ്റര്മാരും പരീക്ഷ ചുമതലകൾ നിർവ്വഹിക്കും. പ്രതേക വിജിലന്സ് സ്ക്വാഡുകളും പ്രവര്ത്തിക്കും. 4,33,325 വിദ്യാര്ഥികൾ ഈ വർഷം ഹയർ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷ എഴുതും.
എസ്. എസ്. എല്. സി പരീക്ഷകൾ നാളെ ആരംഭിക്കും. പരീക്ഷകൾ ഏപ്രില് 29 ന് അവസാനിക്കും. 2, 962 കേന്ദ്രങ്ങളിലായി പരീക്ഷകൾ നടത്തും. . 4,27,407 വിദ്യാര്ഥികൾ സംസ്ഥാനത്ത് എസ്. എസ്. എല്. സി പരീക്ഷ എഴുതും.