ഹെയര്സ്റ്റൈലില് പഫ് ഒരു ഫാഷനാണിപ്പോള്.എലഗന്റ് ലുക്കാണ് ഈ സ്റ്റൈല് മുഖത്തിന് നല്കുന്നത്. ഡ്രസ്സിങിന് അനുസരിച്ചാകാണം സ്റ്റൈലിങ്. പഫ് സ്റ്റൈല് പലവിധത്തിലുണ്ട്.
പഫ് സ്റ്റൈല് പലവിധം
ഫോക്സ് പഫ്, അപ്ടു പഫ്, ഹാഫ് അപ് പഫ്, ലൂസ് പഫ്, ഫങ്കി പഫ്, പഫ് പോണിടെയില്, സെക്സി ഹൈ ക്രൗണ് പഫ്
സ്റ്റൈല് തെരഞ്ഞെടുക്കേണ്ടത് എങ്ങിനെ?
സ്വന്തം ഹെയര് കട്ട്, ടെക്സ്ചര്, മുഖത്തിന്റെ ഷെയിപ്പ് എന്നിവക്ക് അനുസരിച്ചായിരിക്കണം പഫ് സ്റ്റൈല് തിരഞ്ഞെടുക്കേണ്ടത്.
ഫോക്സ് പഫ് സ്റ്റൈല് പൊതുവേ കറുത്തിരുണ്ട മുടിയിലാണ് യോജിക്കുക. മുടി ഒരേ ലെവലില് കട്ട് ചെയ്തിടുന്നവര്ക്കും ഈ സ്റ്റൈല് ഇണങ്ങും. അപ്ടു പഫ് ഓവല് ഷെയ്പ് മുഖക്കാര്ക്കാണ് യോജിക്കുക. എന്നാല് ചുരുണ്ട മുടിയില് ഈ സ്റ്റെല് ബുദ്ധിമുട്ടാണ്.
ഹാഫ് അപ് പഫ് ആണ് ഇപ്പോഴത്തെ പോപ്പുലര് സ്റ്റൈല്. ഭൂരിഭാഗവും ഈ സ്റ്റൈലാണ് അവലംബിക്കുന്നത്. എല്ലാത്തരം മുഖത്തിനും ഇണങ്ങുമെന്നതാണ് ഇതിന്റെ പ്രത്യേകത. നേര്ത്ത മുടിയിലും ഈ ഹെയര് സ്റ്റൈല് അനായാസം തീര്ക്കാം.
പഫ് ഹെയര് സ്റ്റൈല് ഏത് ലംങ്തിലുമുള്ള മുടിയ്ക്കും ഇണങ്ങും. മുടി തീരെ ചെറുതായാലും നീളമുള്ളതായാലും ഈ സ്റ്റൈല് നന്നായി ഇണങ്ങും. മുഖത്തിന് അനുസരിച്ച് പഫ് തയ്യാറാക്കുമ്പോള് മുഖത്തിന്റെ ആകൃതിയും കൂടി കണക്കിലെടുക്കണം.
മുഖം കണക്കിലെടുത്ത് സ്റ്റൈല്
വട്ടമുഖത്തിന്: വട്ടമുഖത്തിന് ബാലന്സ്ഡ് സൗന്ദര്യം പകരാന് മുടിയുടെ നടുഭാഗം പൊക്കിയും ഇരുവശങ്ങള് ഒതുക്കിയും ഹെയര് സെറ്റ് ചെയ്യാം.
ഓവല് ഷെയ്പ്: ഫേയ്സിന് മുന്വശത്തെ മുടി ഒരു പോലെയായിരിക്കണം.
നീണ്ട മുഖം: നീണ്ട മുഖം അല്പം വീതിയുള്ളതായി തോന്നിപ്പിക്കാന് മധ്യഭാഗത്ത് താഴെനിന്നും വശങ്ങളില് നിന്ന് മുകളിലേക്കും പഫ് തയ്യാറാക്കാം.
ശ്രദ്ധിക്കേണ്ട കാര്യങ്ങള്
പഫ് തയ്യാറാക്കാന് മുടി ബാക്ക് കോമ്പ് ചെയ്ത് ഹെയര് സ്പ്രേ ചെയ്ത് സെറ്റ് ചെയ്യാം.
മുടി സ്ട്രെയിറ്റും സില്ക്കിയുമാണെങ്കില് മുടി ചീകേണ്ട കാര്യമില്ല. കൈ കൊണ്ട് ഷെയ്പ് നല്കി പിന് ചെയ്താല് മതി.
മുടി പരുപരുത്തതാണെങ്കില് അതില് റെഡിമെയ്ഡ് ബണ് വെച്ചാല് മതി. ഇത്തരം മുടിയില് നാച്ചുറല് സ്റ്റൈല് തീര്ക്കാന് ബുദ്ധിമുട്ടാണ്.
മുടിയില് നല്ല ക്വാളിറ്റിയുള്ള ഹെയര് സ്പ്രേയോ ജെല്ലോ പുരട്ടുക. അല്ലെങ്കില് മുടിയ്ക്ക് ഡാമേജ് ഉണ്ടാക്കും.
പേം ചെയ്ത മുടിയില് കണ്ടീഷണറോ മൂസോ ഉപയോഗിക്കാം.