മലയാള സിനിമ പ്രേമികൾ ഏറെ ആകാംക്ഷയോടെ കാത്തിരിക്കുന്ന ചിത്രമാണ് ഹൃദയം. നിരവധി സവിശേഷതകളോടെ ഇറങ്ങുന്ന ചിത്രമായത്കൊണ്ട് തന്നെ പ്രതീക്ഷയും ഒരുപാടാണ്. ഗായകനായും, സംവിധായകനായുമെല്ലാം വിസ്മയിപ്പിക്കുന്ന വിനീത് ശ്രീനിവാസൻറെ ഈ ചിത്രത്തിൽ നടനായി പ്രണവ് മോഹൻലാലും നായികയായി കല്യാണി പ്രിയദർശനുമാണ് എത്തുന്നത്. ചിത്രത്തിന്റെ വിശേഷങ്ങളെല്ലാം തന്നെ വളരെപെട്ടെന്നാണ് വൈറലാകുന്നത്.
ഇപ്പോഴിതാ ഹൃദയം സിനിമയിലെ കല്യാണി പ്രിയദർശന്റെ ക്യാരക്ടർ പോസ്റ്റർ പുറത്ത് വിട്ടിരിക്കുകയാണ് നടൻ മോഹൻലാൽ. താരത്തിന്റെ ഫേസ്ബുക്ക് പേജിലൂടെയാണ് പോസ്റ്റർ പങ്കുവെച്ചിരിക്കുന്നത്. നിവിൻ പോളിയുടെ ജേക്കബിന്റെ സ്വർഗ്ഗരാജ്യത്തിന്റെ റിലീസിന് അഞ്ചുവർഷത്തിന് ശേഷമാണ് വിനീത് ശ്രീനിവാസൻ ഹൃദയവുമായി എത്തുന്നത്.
മലയാള സിനിമയിൽ വ്യത്യസ്ത കഥാപാത്രങ്ങളിലൂടെ ശ്രദ്ധേയായ ദർശന രാജേന്ദ്രൻ ആണ് ചിത്രത്തിലെ മറ്റൊരു നായികയായി എത്തുന്നത്. മെരിലാൻഡ് സിനിമാസിന്റെ ബാനറിൽ വിശാഖ് സുബ്രമണ്യമാണ് ചിത്രം നിർമിക്കുന്നത്. ഒരുകാലത്ത് മലയാള സിനിമയിലെ പ്രശസ്ത ബാനർ ആയിരുന്ന മെരിലാൻഡിന്റെ തിരിച്ചുവരവ് കൂടിയാണെന്ന പ്രത്യകതയുമുണ്ട് ചിത്രത്തിന്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona