കൊച്ചി:മലയാളത്തിലെ പ്രമുഖ സിനിമാ നിർമാതാക്കളുടെ വീടുകളിലും കൂടാതെ നിർമാണ കമ്പനികളിലും ആദായ നികുതി വകുപ്പിന്റെ റെയ്ഡ് തുടരുന്നു. നടൻ പൃഥിരാജ്, നിർമാതാക്കളായ ആന്റണി പെരുന്പാവൂർ, ആന്റോ ജോസഫ്, ലിസ്റ്റിൻ സ്റ്റീഫൻ, എബ്രഹാം മാത്യു അടക്കമുള്ളവരുടെ വീടുകളിലും കമ്പനികളിലുമാണ് പരിശോധന.
സിനിമാ നിർമാണത്തിനായി പണം സമാഹരിച്ചതിലും , ഒടിടി വരുമാനത്തിലുമടക്കം കളളപ്പണ ഇടപാടും നികുതി വെട്ടിപ്പും നടന്നെന്ന സൂചനകളുടെ അടിസ്ഥാനത്തിലാണ് പരിശോധന. പരിശോധന പൂർത്തിയായി രണ്ടാഴ്ച കഴിഞ്ഞാലേ ക്രമക്കേടുകളുണ്ടോ എന്ന കാര്യത്തിൽ വ്യക്തത വരൂ.