രാജ്യത്ത് 15നും 18നും ഇടയില് പ്രായമുള്ള രണ്ട് കോടിയിലധികം കുട്ടികള്ക്ക് വാക്സിന് നല്കിയ നേട്ടത്തെ പ്രശംസിച്ച് പ്രധാനമന്ത്രി നരേന്ദ്ര മോദി. ഈ വേഗത്തില് വാക്സിന് വിതരണം തുടരാനും പ്രധാനമന്ത്രി ആഹ്വാനം ചെയ്തു.
എല്ലാവരോടും വാക്സിന് സ്വീകരിക്കണമെന്നും കോവിഡ് പ്രോട്ടോക്കോള് പാലിക്കണമെന്നും മോദി അഭ്യര്ഥിച്ചു. വാക്സിന് എടുത്ത കുട്ടികളെയും മോദി അഭിനന്ദിച്ചു. രാജ്യത്ത് ജനുവരി മൂന്ന് മുതലാണ് കുട്ടികള്ക്ക് വാക്സിന് നല്കി തുടങ്ങിയത്.
അതേസമയം സംസ്ഥാനത്തെ കരുതല് ഡോസ് കൊവിഡ് വാക്സിനേഷന് ജനുവരി 10ന് ആരംഭിക്കും. ആരോഗ്യ പ്രവര്ത്തകര്, കൊവിഡ് മുന്നണി പോരാളികള്, 60 വയസ് കഴിഞ്ഞ അനുബന്ധ രോഗമുള്ളവര് എന്നിവര്ക്കാണ് കരുതല് ഡോസ് നല്കുന്നത്. രണ്ടാം ഡോസ് വാക്സിന് എടുത്തുകഴിഞ്ഞ് 9 മാസം കഴിഞ്ഞവര്ക്കാണ് കരുതല് ഡോസ് എടുക്കാന് സാധിക്കുക.