തന്റെ വരാനിരിക്കുന്ന ചലച്ചിത്ര രാഷ്ട്രീയ നാടകമായ എമർജൻസിയുടെ ആദ്യ ഷെഡ്യൂൾ പൂർത്തിയാക്കിയ ശേഷം, നടി കങ്കണ റണാവത്ത് ഇപ്പോൾ മഥുരയിലേക്കുള്ള യാത്രയിലാണ്. തന്റെ ഷൂട്ടിംഗ് ഷെഡ്യൂളിന്റെ അമ്പത് ശതമാനത്തോളം പൂർത്തിയാക്കിയതിനാൽ അനുഗ്രഹം തേടിയാണ് താരം ബങ്കെ ബിഹാരി ക്ഷേത്രത്തിലേക്ക് പോകുന്നത്.
എമർജൻസിയോടെ താരം വീണ്ടും സംവിധായക മേഖലയിൽ ചുവടുവെച്ചിരിക്കുകയാണ്. ദേശീയ അവാർഡ് നേടിയ മണികർണിക: ദി ക്വീൻ ഓഫ് ഝാൻസി എന്ന ചിത്രത്തിലൂടെയാണ് കങ്കണ ആദ്യമായി സംവിധായികയാകുന്നത്. ഞായറാഴ്ച്ച , നടി തന്റെ ഇൻസ്റ്റാഗ്രാമിൽ ഒരു വീഡിയോ പങ്കിടുകയും ചിത്രത്തിന്റെ റാപ്പിനെക്കുറിച്ച് ഒരു അപ്‌ഡേറ്റ് നൽകുകയും ചെയ്തു.
കങ്കണ റണാവത്തിന്റെ ആദ്യ സോളോ ഡയറക്‌ടറൽ പ്രോജക്‌റ്റാണ് എമർജൻസി. മുൻ പ്രധാനമന്ത്രി ഇന്ദിരാഗാന്ധിയുടെ ജീവിതത്തെ ചുറ്റിപ്പറ്റിയുള്ള ചിത്രത്തിൽ ഇന്ദിര ഗാന്ധിയുടെ റോളിലാണ് കങ്കണ പ്രത്യക്ഷപ്പെടുന്നത്.
