കോട്ടയം: ക്രിമിനൽ സംഘത്തിലെ പ്രധാനിയും, വധശ്രമം അടക്കമുള്ള കേസുകളിൽ പ്രതിയുമായ ഗുണ്ടാനേതാവിനെ കാപ്പ ചുമത്തി നാടു കടത്തി. കുറവിലങ്ങാട് കവളക്കുന്നേൽ ആൻസ് ജോർജിനെതിരെയാണ് നടപടി.
കൊച്ചി റേഞ്ച് ഡി.ഐ.ജിയാണ് ആൻസ് ജോർജിനെ ആറ് മാസത്തേക്ക് ജില്ലയിൽനിന്ന് നാടുകടത്തി ഉത്തരവായത്. ജില്ല പൊലീസ് മേധാവിയുടെ റിപ്പോർട്ടിന്റെ അടിസ്ഥാനത്തിൽ ആണിത്. മാത്രമല്ല ഉത്തരവ് ലംഘിച്ച് ജില്ലയിൽ പ്രവേശിച്ചാൽ മൂന്നുവർഷം വരെ തടവ് ശിക്ഷ ലഭിക്കും.
പലതവണയായി കുറവിലങ്ങാട് പൊലീസ് സ്റ്റേഷൻ പരിധിയിൽ അതിക്രമിച്ചുകയറി ദേഹോപദ്രവമേൽപിക്കുക, ആക്രമിച്ച് ഗുരുതര പരിക്കേൽപിക്കുക, വധശ്രമം നടത്തുക തുടങ്ങിയ കേസുകൾ ഇയാൾക്കെതിരെയുണ്ടെന്ന് പൊലീസ് പറഞ്ഞു.
