മലപ്പുറം: ഓൺലൈൻ ചൂതാട്ടത്തിലൂടെ ലക്ഷക്കണക്കിന് രൂപ തട്ടിയെടുത്ത യുവാവ് പോലീസ് വലയിലായി. വളാഞ്ചേരി എടയൂര്‍ പട്ടമ്മര്‍തൊടി മുഹമ്മദ് റാഷിദിനെ (22) ആണ് മങ്കട പോലീസ് അറസ്റ്റുചെയ്തത്. മങ്കട വടക്കാങ്ങര സ്വദേശിയാണ് ഇയാൾക്കെതിരെ പരാതി നൽകിയത്.അഞ്ച് ലക്ഷം രൂപ തട്ടിയെടുത്തുവെന്നാണ് ഇവരുടെ പരാതി.
യൂട്യൂബ് വീ‍ഡിയോ ലിങ്ക് വഴി പരസ്യം നൽകി തട്ടിപ്പ് നടത്തിയെന്നാണ് പരാതി. ഒരു ലക്ഷം രൂപ വാങ്ങി എട്ട് മണിക്കൂറിനുള്ളിൽ മുടക്കുമുതൽ ഉൾപ്പെടെ രണ്ട് ലക്ഷത്തി നാൽപ്പതിനായിരം രൂപ മടക്കി നൽകുമെന്നായിരുന്നു ഇയാൾ യുവതിക്ക് നൽകിയ വാഗ്ദാനം . നവംബർ 30 മുതൽ ഡിസംബർ 3 വരെ ഇത്തരത്തിൽ അഞ്ച് ലക്ഷം രൂപ ഇയാൾ തട്ടിയെടുത്തുവെന്നാണ് പരാതി. കൊടുത്ത പണം ലഭിക്കാത്തതിനെ തുടർന്ന് യുവതി മങ്കട പോലീസിനെ സമീപിക്കുകയായിരുന്നു.
യുവതിയിൽ നിന്ന് തട്ടിയെടുത്ത പണം ഗോവയിൽ ഓൺലൈൻ ചൂതാട്ടം നടത്തി ഇയാൾ ധൂർത്തടിച്ചു.സംഭവത്തിൽ പോലീസ് വിശദമായ അന്വേഷണം നടത്തുന്നുണ്ട്.
