കോഴിക്കോട്: 47 കോടിയുടെ ക്രിപ്റ്റോ കറന്‍സി തട്ടിപ്പ് കേസില്‍ കൊടുവള്ളി നഗരസഭയിലെ എൽഡിഎഫ് കൗണ്‍സിലർ അറസ്റ്റിൽ. കൊടുവള്ളി നഗരസഭ 12-ാം വാർഡ് കൗണ്‍സിലർ അഹമ്മദ് ഉനൈസിനെയാണ് ഹൈദരാബാദ് പോലീസ് അറസ്റ്റ് ചെയ്തത്. ക്രിപ്റ്റോ കറന്‍സി വഴി സാമ്പത്തിക തട്ടിപ്പ് നടത്തി എന്ന പരാതിയില്‍ ഹൈദരാബാദില്‍ രജിസ്റ്റര്‍ ചെയ്ത കേസിൽ ഇയാളെ കൊടുവള്ളിയിലെ വീട്ടിലെത്തി ഹൈദരാബാദ് പോലീസ് പിടികൂടുകയായിരുന്നു. കൊടുവള്ളി പോലീസിന്റെ സഹായത്തോടെയായിരുന്നു അറസ്റ്റ്
ഇയാളുമായി പോലീസ് സംഘം ഹൈദരാബാദിലേക്ക് മടങ്ങി . പിടിഎ റഹീം എം.എൽ.എ അദ്ധ്യക്ഷനായ നാഷണൽ സെക്കുലർ കോൺഫറൻസ് അംഗമാണ് അഹമ്മദ് ഉനൈസ്.
