നിറവയറില് വളകാപ്പ് ചിത്രങ്ങളുമായി നടി മൈഥിലി. 2022 ഏപ്രില് 28ന് ആര്ക്കിടെക്റ്റ് സമ്പത്തുമായി ഗുരുവായൂര് ശ്രീകൃഷ്ണ സ്വാമി ക്ഷേത്രത്തില് വച്ചായിരുന്നു മൈഥിലിയുടെ വിവാഹം നടന്നത്.
കുടുംബാംഗങ്ങളും അടുത്ത സുഹൃത്തുക്കളും പങ്കെടുത്ത ചടങ്ങിലായിരുന്നു വളകാപ്പ് നടത്തിയത്. വിവാഹത്തിനും മൈഥിലിയെ അണിയിച്ചൊരുക്കിയ മേക്കപ്പ് ആര്ട്ടിസ്റ് ഉണ്ണിയാണ് ഈ ചടങ്ങിലും എത്തിയത്. ‘പാലേരി മാണിക്യം: ഒരു പാതിരാകൊലപാതകത്തിന്റെ കഥ’ എന്ന സിനിമയാണ് മൈഥിലിയുടെ ആദ്യ ചിത്രം. ചട്ടമ്പി എന്ന ചിത്രത്തിലാണ് ഏറ്റവും ഒടുവില് വേഷമിട്ടത്.
ക്ലാസിക്കല് നര്ത്തകി കൂടിയാണ്. കേരള കഫേ, ഗോഡ് സേ, ക്രോസ് റോഡ്, സിന്ജാര്, ഒരു കാറ്റില് ഒരു പായ്ക്കപ്പല്, മേരാ നാം ഷാജി തുടങ്ങിയ ചിത്രങ്ങളില് അഭിനയിച്ചിട്ടുണ്ട്. ബ്രൈറ്റി ബാലചന്ദ്രന് എന്നാണ് നടിയുടെ യഥാര്ത്ഥ പേര്. പത്തനംതിട്ട കോന്നി സ്വദേശിനിയാണ്.