ദില്ലി: പ്രധാനമന്ത്രിയുടെ പ്രതിമാസ റേഡിയോ പരിപാടിയായ മൻ കി ബാത്ത് ഇന്ന്. രാവിലെ 11 മണിക്ക് പ്രധാനമന്ത്രി രാജ്യത്തെ അഭിസംബോധന ചെയ്യും. മൻ കി ബാത്തിന്റെ 95ാമത്തെ എപ്പിസോഡാണ് ഇന്ന് നടക്കുന്നത്.
ബിജെപി കേരളം ഫേസ്ബുക്ക് പേജിലൂടെ രാവിലെ 11:00 മണിക്ക് ഹിന്ദിയിലും, തുടർന്ന് 11:30 ന് മലയാളത്തിലും കേൾക്കാവുന്നതാണ്. ഇന്നലെ രാജ്യം ഭരണഘടനാ ദിനമായി ആചരിച്ചിരുന്നു. ഈ സാഹചര്യത്തിൽ ഭരണഘടനയുമായി ബന്ധപ്പെട്ട സന്ദേശങ്ങളായിരിക്കും പ്രധാനമന്ത്രി ഇന്ന് ജനങ്ങളുമായി പങ്കുവയ്‌ക്കുക. നിലവിൽ തിരഞ്ഞെടുപ്പ് ചൂടിലാണ് ഗുജറാത്ത്. ഇതും ഇന്നത്തെ മൻ കി ബാത്തിൽ സംസാര വിഷയമായിരിക്കും.
മൻ കി ബാത്തിന്റെ 94ാമത്തെ എപ്പിസോഡിൽ സൗരോർജ്ജം ശരിയായി പ്രയോജനപ്പെടുത്തേണ്ടതിന്റെ ആവശ്യകതയെക്കുറിച്ചായിരുന്നു പ്രധാനമന്ത്രി ഇതിന സംസാരിച്ചത്. വലിയ രാജ്യങ്ങൾ സൗരോർജ്ജത്തിൽ നിന്നും വൈദ്യുതിയുണ്ടാക്കുന്നു. ഇതിൽ ഇന്ത്യയും പങ്കാളിയാകുമെന്നും പ്രധാനമന്ത്രി പറഞ്ഞിരുന്നു.
