ആലപ്പുഴ: മാരകമയക്കുമരുന്നായ എംഡിഎംഎയുമായി തിരുവനന്തപുരം സ്വദേശി അറസ്റ്റിൽ. നിരവധി മയക്കുമരുന്ന് കേസുകളിൽ പ്രതിയായ തിരുവനന്തപുരം കഠിനംകുളം അശ്വതി ഭവനിൽ വിപിൻ (കണ്ണൻ-26) ആണ് ആലപ്പുഴയിൽ അറസ്റ്റിലായത്. മണ്ണഞ്ചേരി പോലീസും ലഹരി വിരുദ്ധ സ്ക്വാഡും ചേർന്നാണ് പ്രതിയെ പിടികൂടിയത്.
13 ഗ്രാം എംഡിഎംഎ ഇയാളിൽ നിന്ന് പിടിച്ചെടുത്തിട്ടുണ്ട്. ഇയാൾക്കെതിരെ തിരുവനന്തപുരം മ്യൂസിയം, പൂജപ്പുര, കഴക്കൂട്ടം എന്നീ സ്റ്റേഷനുകളിൽ എൻഡിപിഎസ് കേസും കഠിനംകുളം സ്റ്റേഷനിൽ പിടിച്ചുപറി കേസും നിലവിലുണ്ട്. ബെംഗളൂരുവിൽ നിന്നും എംഡിഎംഎ നാട്ടിലെത്തിച്ച് വിൽപ്പന നടത്തുകയാണിയാൾ. അറസ്റ്റിലായ പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.