കോഴിക്കോട്: വീട്ടിൽ വിൽപ്പനക്കായി സൂക്ഷിച്ച എം.ഡി.എം.എയുമായി യുവാവ് പിടിയിൽ. പയ്യാനക്കൽ തൊപ്പിക്കാരൻ വയൽവീട്ടിൽ വാടകക്ക് താമസിക്കുന്ന പയ്യാക്കൽ പട്ടാർതൊടിയിൽ സർജാസ് (38) ആണ് പിടിയിലായത്. ഇയാളിൽ നിന്നും 13.730 ഗ്രാം എം.ഡി.എം.എയും പോലീസ് പിടികൂടിയിട്ടുണ്ട്.
പയ്യാനക്കൽ സ്വദേശിയെ സിറ്റി സ്പെഷൽ ആക്ഷൻ ഗ്രൂപ്പും പന്നിയങ്കര പോലീസും ചേർന്നാണ് യുവാവിനെ പിടികൂടിയത്. സർജാസിനെ ചോദ്യം ചെയ്തതിൽ വലിയ അളവിൽ എം.ഡി.എം.എ നൽകുന്നവരെക്കുറിച്ച് പോലീസിന് സൂചന ലഭിച്ചിട്ടുണ്ട്. ഇയാളുമായി ബന്ധപ്പെട്ടവരെക്കുറിച്ച് അന്വേഷണം നടക്കുകയാണെന്നും പലരും നിരീക്ഷണത്തിലാണെന്നും പന്നിയങ്കര പോലീസ് ഇൻസ്പെക്ടർ ശംഭുനാഥ് പറഞ്ഞു.
