റിയാദ്: കുടുംബത്തോടൊപ്പം സൗദി അറേബ്യയിലെത്തി അർജന്റീന ഫുട്ബോൾ താരം ലയണൽ മെസ്സി. കർശനമായ മത നിയമങ്ങൾ ഉള്ള സൗദി അറേബ്യയിൽ താരകുടുംബം എത്തിയത് മറ്റ് എവിടെയും പോകുന്ന തരത്തിലാണ്. തലയിൽ ഹിജാബോ തട്ടമോ അങ്ങനെയുള്ള ഒരു മത വേഷമോ ധരിക്കാതെയായിരുന്നു മെസ്സിയുടെ പങ്കാളിയും ഒരു ഷോർട്സും ടീഷർട്ടും ധരിച്ചാണ് മെസ്സിയും എത്തിയത്. സൗദിയിലെ കടുത്ത മതനിയമങ്ങളൊക്കെ മാറുന്നു എന്നതിനുള്ള ഒരു ഉദ്ദാഹരണം കൂടിയാണിത്.
സൗദി ടൂറിസം അംബാസഡർ എന്ന നിലയിലാണ് രാജ്യ സന്ദർശനത്തിനായി മെസ്സിയും കുടുംബവും എത്തിയിരിക്കുന്നത്. ടൂറിസം മന്ത്രി അഹമ്മദ് അൽ ഖത്തീബ് ട്വിറ്ററിലൂടെയാണ് മെസ്സിയെ സ്വാഗതം ചെയ്തത്. ഇവരെ സൗദി അറേബ്യയിലേക്ക് സ്വാഗതം ചെയ്യുന്നതിൽ സന്തോഷമുണ്ടെന്ന് അദ്ദേഹം പറഞ്ഞു.
2022 മേയിലാണ് സൗദി ടൂറിസം അതോറിറ്റി (എസ്ടിഎ) മെസ്സിയെ ടൂറിസം ഔദ്യോഗിക ബ്രാൻഡ് അംബാസഡറായി പ്രഖ്യാപിച്ചത്. അംബാസഡർ എന്ന നിലയിൽ തന്റെ രണ്ടാമത്തെ സന്ദർശനത്തിൽ മെസ്സി രാജ്യത്തെ കൂടുതൽ വിനോദസഞ്ചാര കേന്ദ്രങ്ങൾ സന്ദർശിക്കുമെന്ന് പ്രതീക്ഷിക്കുന്നു. ഒരു വർഷം മുൻപ് തന്റെ ആദ്യ സന്ദർശന വേളയിൽ ചെങ്കടലിന്റെ തീരത്തുള്ള ജിദ്ദയിലെ പുരാധന സ്ഥലങ്ങൾ മെസ്സി സന്ദർശിച്ചിരുന്നു.
