പാരിസ് : നിലവിലെ ക്ലബ് കരാറിന്റെ അവസാനഘട്ടത്തിലെത്തിയ അർജന്റീന സൂപ്പർ താരം ലയണൽ മെസ്സി പിഎസ്ജിയുമായുള്ള കരാർ പുതുക്കാൻ വിസമ്മതിച്ചതായി റിപ്പോർട്ട്. അദ്ദേഹത്തിന് പാരീസിൽ തുടരാൻ താൽപര്യമില്ലെന്നു ഒരു സ്പാനിഷ് മാധ്യമം റിപ്പോർട്ട് ചെയ്തു. ഈ സീസൺ കഴിയുന്നതു വരെയാണു മെസ്സിക്ക് പിഎസ്ജിയുമായി കരാറുള്ളത്. സ്പാനിഷ് ക്ലബ് ബാർസിലോനയാണ് മെസ്സിയെ ടീമിലെത്തിക്കാൻ ശ്രമിക്കുന്നതിൽ ഇപ്പോൾ മുന്നിലുള്ളതെന്നും റിപ്പോർട്ടിൽ പറയുന്നു.
അതെ സമയം തന്റെ മുൻ ക്ലബ്ബായ ബാർസിലോനയിൽ വീണ്ടും കളിക്കണമെങ്കിൽ മെസ്സിയുടെ പ്രതിഫലം വൻതോതിൽ താരത്തിനു വെട്ടി കുറയ്ക്കേണ്ടിവരും.സൗദി അറേബ്യയിലെ അൽ– ഹിലാൽ വന് തുക നൽകി ചെയ്ത് മെസ്സിയെ സ്വന്തമാക്കാൻ തയാറാണ്. യുഎസിൽനിന്നുള്ള ഇന്റർ മയാമിയും മെസ്സിയെ ടീമിലെത്തിക്കാൻ ശ്രമം നടത്തുന്നുണ്ട്. സൗദി ക്ലബിലേക്ക് മെസ്സി പോയാൽ വീണ്ടും ക്രിസ്റ്റ്യാനോ റൊണാൾഡോ– മെസ്സി പോരാട്ടത്തിന് അരങ്ങുണരും.
ഇപ്പോൾ കുടുംബത്തോടൊപ്പം ആൽപ്സിൽ അവധിക്കാല ആഘോഷിക്കുകയാണ് മെസ്സി. കോപ ഡെ ഫ്രാൻസ് മത്സരത്തിൽ പേസ് ഡെ കാസലിനെ കഴിഞ്ഞ ദിവസം പിഎസ്ജി കീഴടക്കിയപ്പോൾ മെസ്സി കളിച്ചിരുന്നില്ല.