കൊച്ചി: കടവന്ത്രയില്‍ അമ്മയെയും രണ്ട് മക്കളെയും മരിച്ചനിലയില്‍ കണ്ടെത്തി. ജീവനൊടുക്കാന്‍ ശ്രമിച്ച ഗൃഹനാഥന്‍ ഗുരുതരാവസ്ഥയിലാണ്. ഭാര്യയെയും മക്കളെയും കൊലപ്പെടുത്തിയ ശേഷം ഗൃഹനാഥന്‍ ജീവനൊടുക്കാന്‍ ശ്രമിക്കുകയായിരുന്നെന്ന് പോലീസ് പറഞ്ഞു.
കടവന്ത്രക്കടുത്ത് മട്ടുമ്മല്‍ അമ്പലത്തിന് സമീപം സൗത്ത് പോലീസ് സ്റ്റേഷന്‍ പരിധിയിലാണ് സംഭവം. പൂക്കളുടെ ഹോള്‍സെയില്‍ വില്‍പന നടത്തുന്ന നാരായണന്‍റെ ഭാര്യ ജയമോള്‍, മക്കളായ ലക്ഷ്മികാന്ത്, അശ്വന്ത് നാരായണന് എന്നിവരാണ് മരിച്ചത്. കഴുത്ത് മുറിച്ച്‌ ജീവനൊടുക്കാന്‍ ശ്രമിച്ച നാരായണന് ആശുപത്രിയില്‍ ചികിത്സയിലാണ്.
നാരായണന് സാമ്പത്തിക ബാധ്യതയുണ്ടെന്നാണ് വിവരം. കഴിഞ്ഞദിവസം രാത്രി സുഹൃത്തുക്കള്‍ക്ക് നാരായണന് പുതുവത്സരദിനാശംസ സന്ദേശം അയച്ചിരുന്നു. പിന്നാലെ ‘സോറി’ എന്നും സന്ദേശമയച്ചതായി സുഹൃത്തുക്കള്‍ പറയുന്നു. സംഭവത്തില്‍ പോലീസ് അന്വേഷണം പുരോഗമിക്കുകയാണ്.
