ട്വിറ്റർ സി.ഇ.ഒ സ്ഥാനമേറ്റെടുത്തതിന് പിന്നാലെ ആദ്യ ട്വിറ്റുമായി പുതിയ ട്വിറ്റര്‍ മേധാവി ലിന്‍ഡ യക്കരിനോ. ട്വിറ്ററിന്റെ മുൻ സി.ഇ.ഒയായ ഇലോണ്‍ മസ്‌കിന് നന്ദിയറിച്ചുകൊണ്ടായിരുന്നു ലിന്‍ഡയുടെ ആദ്യത്തെ ട്വീറ്റ്.
മസ്‌കിന്റെ ഭാവിയിലേക്കുള്ള കാഴ്ചപ്പാടുകളും ആദര്‍ശങ്ങളും തന്നെ പ്രചോദിപ്പിച്ചു. മസ്‌കിന്റെ ആശയങ്ങള്‍ പ്രാവര്‍ത്തികമാക്കുന്ന തരത്തിലുള്ള മാറ്റങ്ങള്‍ ട്വിറ്ററില്‍ കൊണ്ടുവരാന്‍ മസ്‌കിനൊപ്പം ചേര്‍ന്നു പ്രവര്‍ത്തിക്കുമെന്നും ലിന്‍ഡ ട്വിറ്ററിൽ കുറിച്ചു. ട്വിറ്ററിനെ നിയന്ത്രിക്കുന്ന എക്സ് കോര്‍പ് എന്ന കമ്പനിയുടെ ബിസിനസ് അധിഷ്ഠിത ജോലികളായിരിക്കും ലിന്‍ഡയുടേത്. പ്രോഡക്ട് ഡിസൈന്‍, പുതിയ സാങ്കേതിക വിദ്യ എന്നിവ കൈകാര്യം ചെയ്യുന്നത് ഇലോൺ മസ്‌ക് തന്നെയാണ്.
