ശ്രീനഗര്‍: ജമ്മുകശ്മീരിലെ കുല്‍ഗാമിലുണ്ടായ ഏറ്റുമുട്ടലില്‍ രണ്ട് ഭീകരരെ സൈന്യം വധിച്ചു. ബുധനാഴ്ച പുലര്‍ച്ചെയാണ് കുല്‍ഗാമില്‍ സൈന്യം ഭീകരരുമായി ഏറ്റുമുട്ടലുണ്ടായത്.
കുല്‍ഗാമിലെ ഗോപല്‍പോറ പ്രദേശത്താണ് ഏറ്റമുട്ടല്‍. ഭീകരര്‍ ഒളിച്ചിരിക്കുന്നുവെന്ന വിവരത്തെത്തുടര്‍ന്ന് തെരച്ചില്‍ നടത്തിയ സൈനികര്‍ക്കു നേരെ ഭീകരര്‍ നിറയൊഴിക്കുകയായിരുന്നു. തുടര്‍ന്നു സൈന്യം നടത്തിയ പ്രത്യാക്രമണത്തിലാണ് ഭീകരരെ കീഴ്‌പ്പെടുത്തിയത്.
പ്രദേശത്ത് കൂടുതല്‍ ഭീകരര്‍ ഒളിച്ചിരിക്കുന്നുണ്ടെന്ന വിവരത്തെ തുടര്‍ന്നു സൈന്യം ഇവിടെ തെരച്ചില്‍ നടത്തി വരികയാണ്.
