ഭീകരവാദം ഇല്ലാതാക്കാൻ പാകിസ്ഥാൻ ഇന്ത്യയുമായി കൈകോർക്കണമെന്ന് പ്രശസ്ത ബോളിവുഡ് നടൻ ഋഷികപൂർ.
“യഥാർത്ഥത്തിൽ ഭീകരവാദം തുടച്ചു നീക്കണമെന്ന് ആഗ്രഹമുണ്ടെങ്കിൽ പാകിസ്ഥാൻ ഇന്ത്യയുമായി ചേർന്ന് പ്രവർത്തിക്കണം. ഇരുരാജ്യങ്ങളിലെയും ജനങ്ങൾ തമ്മിൽ പ്രശ്നങ്ങളൊന്നുമില്ല. (നടപടിയെടുക്കാൻ) ഇമ്രാന് സാധിക്കുന്നില്ലങ്കിൽ പാകിസ്ഥാൻ പട്ടാളമോ ഐ എസ് ഐയോ അതു ചെയ്യണം” ഋഷികപൂർ ട്വീറ്റ് ചെയ്തു.
ഇപ്പോൾ അമേരിക്കയിൽ ചികിത്സയിൽ കഴിയുന്ന ഋഷികപൂർ ദീർഘകാലമായി ഇന്തോ-പാക് സൗഹൃദത്തിന്റ വക്താവാണ് ഇന്നത്തെ പാകിസ്ഥാനിലെ മുൾട്ടാനിലാണ് കപൂർ കുടുംബത്തിന്റെ വേരുകൾ.
കേന്ദ്രമന്ത്രി അരുൺ ജയ്റ്റ്‌ലി ഇന്തോ-പാക് സംഘർഷത്തെക്കുറിച്ച് ഒരു ടെലിവിഷൻ അഭിമുഖത്തിൽ പറഞ്ഞതിനെ പിന്തുണച്ചാണ് ഋഷിയുടെ ട്വീറ്റ്.
