ദില്ലി : നിരോധിത സംഘടന പോപ്പുലർഫ്രണ്ടിനെതിരെ രൂക്ഷ വിമർശനവുമായി മുസ്ലീം രാഷ്ട്രീയ മഞ്ച് രംഗത്തെത്തി. കർണാടക, ആന്ധ്രാ പ്രദേശ്, തെലങ്കാന എന്നിവിടങ്ങളിലെ വിദ്യാഭ്യാസ സമ്പന്നരായ മുസ്ലീം യുവാക്കളെ ലക്ഷ്യം വച്ചാണ് പോപ്പുലർ ഫ്രണ്ട് പ്രവർത്തിക്കുന്നതെന്ന് മുസ്ലീം രാഷ്ട്രീയ മഞ്ച് ദേശീയ കൺവീനർ ഷുഹൈബ് ഖസ്മി പറഞ്ഞു .
സ്‌കൂളുകളിലും മദ്രസകളിലുമെത്തുന്ന വിദ്യാർത്ഥികളെയും യുവാക്കളെയും പോപ്പുലർ ഫ്രണ്ട് വഴിതെറ്റിക്കുന്നു .കേന്ദ്രസർക്കാറിന്റെ നിരോധനം നേരിടുന്നതിനാൽ ഇപ്പോൾ ആധുനിക രീതിയിലുള്ളതും വ്യത്യസ്തവുമായ പേരുകളും ഉപയോഗിച്ച് ഒളിഞ്ഞിരുന്നാണ് പോപ്പുലർ ഫ്രണ്ട് പ്രവർത്തിക്കുന്നത്. പോപ്പുലർ ഫ്രണ്ട് പോലുള്ള സംഘടനകളെക്കുറിച്ച് ജാഗരൂകരായിരിക്കാൻ വിദ്യാർത്ഥികൾ ശ്രദ്ധിക്കണമെന്നും ഷുഹൈബ് ഖസ്മി മുന്നറിയിപ്പ് നൽകി.
