മലയാള സിനിമയുടെ നടന വിസ്‌മയം മോഹൻലാലിന്റെ മകൻ പ്രണവ് മോഹൻലാലിനെ കുറിച്ച് പൊതുവെ വലിയ അഭിപ്രായങ്ങളാണ് സിനിമ ലോകത്ത് നിന്നും വരാറുള്ളത്. മലയാള സിനിമയുടെ സൂപ്പർ സ്റ്റാറിന്റെ മകനായിരുന്നിട്ട് പോലും നടന്റെ എല്ലാവരോടുമുള്ള പെരുമാറ്റമാണ് എല്ലാവരെയും സ്വാധീനിക്കുന്നത്. പ്രണവിന്റെ യാത്രയോടുള്ള പ്രണയവും ഏറെ പ്രസിദ്ധമാണ്. ഇപോഴിതാ പ്രണവിന്റെ മണാലി യാത്രയുടെ വിശേഷങ്ങളാണ് ചര്‍ച്ചയാകുന്നത്. മുമ്പും പ്രണവ് മണാലിയിലേക്ക് യാത്രകള്‍ നടത്തിയിട്ടുണ്ട്. യുവ സഞ്ചാരി ആത്മയാൻ ആണ് മണാലിയില്‍ വെച്ച് പ്രണവിനെ കണ്ടുമുട്ടിയതിന്റെ സന്തോഷം സോഷ്യൽ മീഡിയയിൽ പങ്കുവെച്ചത്.
ഞങ്ങൾക്ക് വഴിയിൽ നിന്നും ഒരാളെ കിട്ടിയത് കാണണോ എന്ന് പറഞ്ഞാണ് വീഡിയോ തുടങ്ങുന്നത്. വലിയ ബാക്ക്പാക്കുമായി നടന്നുപോകുന്ന യുവാവിനെ കണ്ടപ്പോൾ മുഖപരിചയം തോന്നി സംസാരിക്കാൻ അടുത്തു ചെന്നപ്പോഴാണ് അതു പ്രണവ് മോഹൻലാൽ ആണെന്ന് ആത്മയാൻ തിരിച്ചറിയുന്നത്. “ഞങ്ങൾക്ക് വഴിയിൽ നിന്നൊരാളെ കിട്ടിയത് കാണണോ? “ദേ നില്‍ക്കുന്നു, എന്താണ് പേര്, എവിടെയോ കണ്ടതുപോലെ തോന്നുന്നുണ്ടല്ലോ എന്ന് തമാശയായും ആത്മയാൻ ചോദിക്കുന്നതാണ് വീഡിയോ.
എവിടെയോ കണ്ട് നല്ല പരിചയം ഉണ്ടല്ലോ എന്നും, പേരെന്താണ് എന്നും തമാശയായി ആത്മയാൻ ചോദിക്കുന്നുണ്ട്. തുടർന്ന് ക്യാമറ കണ്ടപ്പോൾ ഒരു ചിരിയിൽ ഒതുക്കി വളരെ സൗഹൃദപൂർവ്വം യാത്രപറഞ്ഞു നടന്നു നീങ്ങുന്ന പ്രണവിനെയും വിഡിയോയിൽ കാണാം. അതേസമയം സഹോദരി വിസമയയ്ക്കൊപ്പമാണ് പ്രണവിന്റെ യാത്ര. സോഷ്യൽ മീഡിയയിലൂടെ വിസ്മയ തന്റെ യാത്രാ വിശേഷങ്ങൾ പങ്കുവെച്ചിരുന്നു. വിനീത് ശ്രിനിവാസന്റെ ഹൃദയമെന്ന ചിത്രമാണ് പ്രണവ് മോഹൻലാലിന്റേതായി ഉടൻ പ്രദര്‍ശനത്തിന് എത്താനുള്ളത്.
