ദേശീയ സ്മാരകങ്ങളുടെ പട്ടികയിലേക്ക് കേരളത്തിൽ നിന്നുള്ള ക്ഷേത്രവും ഇടം പിടിക്കാനൊരുങ്ങുന്നു. ഓങ്ങല്ലൂരിലെ മഞ്ഞളുങ്കലിലുള്ള തളി മഹാദേവ ക്ഷേത്രമാണ് ദേശീയ സ്മാരകങ്ങളുടെ പട്ടികയിൽ ഇടം നേടാനൊരുങ്ങുന്നത്. ഇത് സംബന്ധിച്ച പ്രാഥമിക വിജ്ഞാപനം പുറപ്പെടുവിക്കുന്നതിനുള്ള നിർദ്ദേശം ബഹുമാനപ്പെട്ട സാംസ്കാരിക-ടൂറിസം മന്ത്രി ഗജേന്ദ്ര സിംഗ് ശെഖാവത്ത് അംഗീകരിച്ചു. കേരളത്തിന്റെ സാംസ്കാരിക പൈതൃകത്തിന് അഭിമാനകരമായ നിമിഷമെന്ന് വിശേഷിപ്പിച്ചുകൊണ്ട് സമൂഹ മാദ്ധ്യമത്തിൽ പങ്കുവച്ച കുറിപ്പിലൂടെ കേന്ദ്രമന്ത്രിയും തൃശ്ശൂർ എംപിയുമായ സുരേഷ് ഗോപിയാണ് ഇക്കാര്യം സ്ഥിരീകരിച്ചത്. 1958 ലെ AMASR നിയമത്തിലെ സെക്ഷൻ 4(1) പ്രകാരമാണ് നടപടി
10-11 നൂറ്റാണ്ടുകളിലെ ഈ പുരാതന ക്ഷേത്രം, അതിന്റെ അതുല്യമായ വാസ്തുവിദ്യാ സവിശേഷതകളാൽ വേറിട്ടുനിൽക്കുന്നു, കൂടാതെ അതിന്റെ ചരിത്രപരമായ മൂല്യത്തിന് സാങ്കേതിക മൂല്യനിർണ്ണയ സമിതി ശുപാർശ ചെയ്തിട്ടുണ്ട്
പവിത്രമായ പാരമ്പര്യങ്ങൾ സംരക്ഷിക്കുന്നതിൽ ഈ സുപ്രധാന നാഴികക്കല്ല് സാധ്യമാക്കുന്നതിന്, എതിർപ്പില്ല സർട്ടിഫിക്കറ്റ് നൽകിക്കൊണ്ട് പിന്തുണ നൽകിയതിന് ക്ഷേത്രത്തിന്റെ ട്രസ്റ്റിന് സുരേഷ്ഗോപി നന്ദി അറിയിച്ചു.
