പ്രശസ്ത റാപ്പ് ഗായിക ലിസോയ്ക്കെതിരെ ലൈംഗികാതിക്രമ കേസ്. മുൻസഹായികളായ നർത്തകർ ആണ് പരാതിയുമായി രംഗത്തെത്തിയത്. നഗ്നരായ നർത്തകർക്കൊപ്പം ‘ലൈംഗികമായി ഇടപഴകാൻ’ നിർബന്ധിച്ചുവെന്നാണ് നർത്തകരുടെ പരാതി. ലോസ് ആഞ്ചലസ് കൗണ്ടി സുപ്പീരിയർ കോടതിയിൽ ചൊവ്വാഴ്ചയാണ് കേസ് ഫയൽ ചെയ്തത്.
അരിയാനാ ഡേവിസ്, ക്രിസ്റ്റൽ വില്ല്യംസ്, നോയേൽ റോഡ്രിഗസ് എന്നിവരാണ് ലിസോയ്ക്കെതിരെ രംഗത്തെത്തിയിരിക്കുന്നത്. ഗുരുതരമായ ആരോപണങ്ങളാണ് ഇവർ ഹർജിയിൽ ഉന്നയിച്ചിരിക്കുന്നത്. ക്ലബിലെ നഗ്നരായ നർത്തകർക്കൊപ്പം ‘ലൈംഗികമായി ഇടപഴകാൻ’ ഗായിക നിർബന്ധിച്ചു. സ്ഥിരമായി ബോഡി പോസിറ്റിവിറ്റിയേക്കുറിച്ച് സംസാരിക്കുന്ന ലിസോ തന്റെ സംഘാംഗമായ ഡേവിസിന് ശരീരഭാരം കൂടിയതിനോട് മോശമായി പ്രതികരിച്ചെന്നും ഹർജിയിലുണ്ട്.
